اشكرك اخي LIL Cat

ماقصرت على النصيحه بس ماراح استفيد شي اذا شريت غيرها
على الله وعلى السياره اللي عندي ومع العلم هي اول سياره امتلكها واسوقها ولا تهنيت فيها

يعني المازدا اللي قلت عنها ماراح تفيدني خاصه شوارعنا الله بالخير كلها مطبات تقول جبال البرازيل
وبعدين ما راح افرط فيها وهي جديده واخذ لي سياره مش رغبان فيها

انا استشرت بعض الاخوان وقالوا لي انه ممكن الكمر يتسمكر علشان يركب المقص
وراح اخلي عندي امل اخير بأنه يتصلح
واذا ماتصلح الله يعينني على واحد جديد راح يكلفني 3900 مع التركيب غير القطع الباقيه والسمكره

انا ماراح ايأس واتركها لعبه للتأمين حقي من الجعاونيه اذا ما اخذتها في الدنيا باخذه في الاخره
والله يمهل ولا يهمل

ابي الحق نفسي اصلح واشوف لي شغله كذا جلستي ما تصلح انا الخسران
ضيعوا مستقبلي الله لايوفقهم

المشاركة الأصلية كتبت بواسطة ali3llawi

اشكرك اخي LIL Cat

ماقصرت على النصيحه بس ماراح استفيد شي اذا شريت غيرها
على الله وعلى السياره اللي عندي ومع العلم هي اول سياره امتلكها واسوقها ولا تهنيت فيها

ابي الحق نفسي اصلح واشوف لي شغله كذا جلستي ما تصلح انا الخسران
ضيعوا مستقبلي الله لايوفقهم

يا شيخ الله يوفقك و ينصرك .. ابد مو قصدي تفرط بسيارتك بالعكس ودي ترجع لك مثل الأول ( أقلها لين تفرح بنفرح معك ) .. بس انا دفعت ثمن الحلم هذا واجد و أكتشفت بالنهايه إنه البلا ماهو منى من العمال اللى ماعندهم ذمه ولا ضمير و الطمع اللى عاميهم لين يصف السيارة لأجل يخلص 3 غيرها بنفس الوقت و وقت ما " تتفاهم معه " يشتغل فيها لين انت تعطيه ظهرك يرجع يجحدها ثانى .. يعنى يجبرك على انك تداوم عنده لأجل يخلصها و طبعا شغل الخيانه و الغش عيني عينك , و بالنهاية خسارت وقت و فلوس و سيارة تقول مسمكره بأفغانستان .. و عندك الورش شف الحال فيها بعينك قبل كلامي .

نصيحتي لك نفس اللى سمعتها من اصحابي يوم الحادث ... الكل قال لي خذ لك سيارة ثانيه افضل لك من اصلاح المنكوبه ذي .. قلت لهم نفس كلمتك: سيارتي جديده و أول بختى ... و سويت قوي و سحبت الكاش و طرت على الورشه اللى صاحبها اعتبره أكثر من أخو .. 7 شهور علشان سحب شاص و سمكره و بويه و اكثر من 20.000 اصلاحات ما بين ورش ثانيه و قطع غيار .. لا و أزيدك يوم ما خرجت السياره و انا برجعتي للبيت اشم ريحة بنزين غير طبيعيه و ادخل على اقرب بنشر و ارفع السياره و القى المحبس اللى يربط جلده ماسورة تانكي البنزين مفقوده و البنزين يكب بالشارع و واحد من السست مطعوج من حرارة التسخين ( يبون يقتلونى ) .. و ارجع لهم و " أتفاهم معهم - جولة نهائيه " و هاتك يا مشاوير و فرفره بالصناعيه و غيرها لاجل وزن و تغير و اصلاح و سحب ثاني و ثالث وو .. المهم ان السياره مرميه لا رجعت مثل الأول ولا لي نيه ابيعها لأنها ما راح تجيب 20% من اللى صرفته عليها و صاحب الورش " الأخو " منحاش منى حتى بعزايم لين يعرف انى فيها يخب ولا كأنه قاتل لى قتيل .

بعدين تقول شوارعكم مثلنا " بواقي حرب " على كذا بتداوم عند الورش لأن الرساوه و الأصوات الناتجه عن احتكاك الوصلات و الطقطقه واحد منها رايح يصيدك .
الا سؤال : انت بجده ؟

المقصد : احسب قيمة القطع + الاصلاح + اللى ما تعرفه من قطع تالفه بشكل تقديري + قيمة مشاويرك + الشغلات الثانيه التكميليه = ان قرب المبلغ من 10.000 شف لك سيارة ثانيه و أشتريها


شغله ثانيه : صور السياره و المناطق المتضرره و ارفعها هنا .. باخى خلنا نشور عليك و الكلمه النهائيه لك ( ولا ايش فايدت تواجدنا بموضوعك )

ربي يكرمك من واسع فضله .