GMC__الجميح -الله كشفهم على حقيقتهم

**salah1001** · 24-08-2009, 08:13 PM

السلام عليكم ورحمة الله وبركاته

إليكم الأخبار الطازجة...عن خدعة العروض الذهبية الرمضانية...كما هو موضح في جريدة اليوم

ذهبت إلى الجميح ظهر اليوم الإثنين الموافق ثالث أيام رمضان المبارك 2009

طبعا كل السيارات اللي في الصالة موديل 2009

لأستفسر عن العروض الذهبية الرمضانية دخلت الصالة وأخذت جولة على السيارات وبعدها ذهبت إلى الموظف وبينت له أني لاأفهم عن أي شيء في السيارات ..

سألته عن التاهو السوبربان (الطويل) بدون دبل (LT) أدنى نوع + حساسات + كاميرا خلفية..
فأول سؤال منه لي هو تريد الموتر كاش أو أقساط ... قلت له أريده كاش .. والله العظيم يامقاطعين أنه أعطاني ألف حساب ويشرح لي الموتر من و إلى وكان يقول لي شكلك بتاخذه في رمضان صح قلت له إن شاء الله....قال لي سعره 121 ألف ريال

المهم انا قلت له بدفع لك كاش وبعدين قلت له وين عروضكم الذهبية اللي في الجريدة
قال لي بالحرف الواحد عروضنا فقط خصم 4000 ريال .. خدعة لجلب المستهلكين

قلت له وش الألوان اللي عندكم..

قال الأسود و الفضي والذهبي

يقول الطلب متوفر عندنا وأتوقع أنك ماتحصل عليها بعد رمضان لازم تحجز

قلت له أبقى الأزرق الجرانيتي ... قال لي إنت صامل على الشراء .. قلت أنا ماجيت هنا الا للشراء

المهم قلت أصبر شوي ... وطقطق على الشاشة وقال شوف اللون اللي طلبته غير موجود ... ولكن إذا صامل أجيبه لك ..

والله العظيم ياجماعة

شفت الشاشة عنده وظليت أتمعن في باقي ألوان السيارات المتبقية وضهرت الطامة الكبرى

قلت له الموديل هذا 2007 كما هو موضح في الشاشة

والله العظيم ياشباب أنه على طول لف الشاشة عليه وقال لي أجيب لك موديل 2009 إذا بقيت..

يعني السيارات اللي عندهم كلها 2007

الله كشفهم على حقيقتهم

**panadol** · 24-08-2009, 08:17 PM

ما عرفنا لك يا صلاااح

تمدح تويوتا وتذم باقي الشركات

عموما بصفي النيه وشاكر لك الجوله التفقديه

**جمرة غضا** · 24-08-2009, 09:23 PM

يعطيك العافية صلاح على هالجولة
حاط خصم 4000 ! وش هالكرم اللي عنده !!!!!!!!
خلوه يصدي مع 4000 الآف بتعته

**سكود الشمال** · 24-08-2009, 10:16 PM

مشكور أخوي على الجوله نترقب الجولة القادمة اللي بتحسم البطولة بين

المواطن والحراميه

الحمد الله انا جبت سياراتي من امريكا

كل الوكالات السيارات نصابين

خلوها تصدي موديلها يعدي

**ابو جنــــــى** · 25-08-2009, 03:47 AM

تسلم أخوي على الموضوع وعلى الجوله
والله يعينهم على ماهم عليه وال2010 قادم ونشوف كيف يصرفوا

**salah1001** · 25-08-2009, 08:48 AM

اقتباس:

المشاركة الأصلية كتبت بواسطة panadol

ما عرفنا لك يا صلاااح

تمدح تويوتا وتذم باقي الشركات

عموما بصفي النيه وشاكر لك الجوله التفقديه

أخوي بنادول

ذاك اليوم كنت أمزح بالعكس أنا مقاطع هامور وأعرف من أين تؤكل الكتف..

abuhisham · 25-08-2009, 12:29 PM

صدتهم صيده شينة يا صلاح...

خليهم في مكابرتهم لين تتفتت سياراتهم من الصدأ.

شكرا لك.

**د/مقاطعة** · 25-08-2009, 02:08 PM

اصلن موديلات 2007 و 2008 و2009 باقي موجودة ،، ولو تلاحظون ان هالموديلات ما نشوفها في الشوارع بكثره < الا الكامري ~ { سيارة اجرة

}
2010 باقي ما نزلوه لين يصرفون 2009 و 2008 . ما تشوف العروض في الجرائد والتلفزيون

خلوهـا تصـدي ،، ننتظر 2011

**salah1001** · 25-08-2009, 02:46 PM

اقتباس:

المشاركة الأصلية كتبت بواسطة abuhisham

صدتهم صيده شينة يا صلاح...

خليهم في مكابرتهم لين تتفتت سياراتهم من الصدأ.

شكرا لك.

أنا قلت لك يالغالي والله أجيب لك معلومات قيمة تثلج صدر المستهلك المسكين

وإن شاء الله أفيدكم بأهم الأحداث عن باقي السيارات....

أنا في رمضان متفرغ لهم

**جمرة غضا** · 25-08-2009, 03:59 PM

اقتباس:

المشاركة الأصلية كتبت بواسطة د/مقاطعة

اصلن موديلات 2007 و 2008 و2009 باقي موجودة ،، ولو تلاحظون ان هالموديلات ما نشوفها في الشوارع بكثره < الا الكامري ~ { سيارة اجرة

}

2010 باقي ما نزلوه لين يصرفون 2009 و 2008 . ما تشوف العروض في الجرائد والتلفزيون

خلوهـا تصـدي ،، ننتظر 2011

يا سلام عليك

وخلوها تصدي

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري