كلامك صحيح اخوي واضح ومبسوط ,,

اخوي panadol لاتقول كذا ,, ترى الرزق بيد رب العالمين ولا تقول ( غيرك الرزق ينقط تنقيط )

اولآ وقبل كل شيء لزوم الاستغفار ووالله العظيم لها تأثير كبير جدآ في جلب الرزق سبحان الله

الشيء الثاني ان فيه ناس يقولك انا ماعندي رأس مال ولا ريال كيف ابدأ في التجارة

طبعآ هذا لو تقوله تعال انا اببيعك ونيت قديم تقسيط وبشاركك انا برأس المال ( 10000 ريال ) وانت بمجهودك وبالونيت ,,

وابيك تقوم الساعه 3 الفجر وتروح المزارع اللي في الخرج وتشتري خضار او حبحب ( بطيخ ) او تمر ,, اللي تشوفه مناسب وتكون الساعه 6 الصباح في سوق الخضار ,, وصلاة الظهر تكون بايع كل اللي معك وبمكسب 500 ريال في اليوم ,,

وشوي شوي راح تتعرف على اصحاب المزارع وعلى اصحاب محلات سوق الخضار ويصير دورك فقط شراء وتوصيل وتسليم ,, وراح يخف عليك الشغل

طبعآ الكلام هذا مؤقت تجمع فيه رأس مال ,, وتشوف مشروع غيره مناسب لميولك ,,

الان لو قلت الكلام هذا للي يقول انا مامعي رأس مال كيف ابدأ في التجاره ( انا مااقصدك اخوي panadol ) انا اتكلم بصفه عامه ,,

عارف ايش بيكون الرد >>> ( اما اقوم من الفجر وامسك طريق الخرج بونيت قديم لا وخضار بعد )

والله هذا هو الرد اللي حتحصل عليه للأسف

طبعآ كلامي هذا للي مامعاه رأس مال



والله يوفقكم

اهم شي الواحد يبذل الاسباب والرازق هو الله سبحانه وتعالى

ولن يموت انسان قبل ان يستوفي رزقه الذي كتبه الله له

بشرط ان يبذل الاسباب

اللهم وفق جميع شبابنا للحصول على اعمال تكفيهم ذل العطالة والبطالة

جزاك الله الف خير

اقولك شي اقسم بالذي نفسي بيده اني داخل بمشروع نادي رياضي كلفني 350 الف ريال طبعا المبلغ استلفته واخذت قرض علشان اجمعه

من 6 شهور ولحد الان ما فتح مع العالم ان اجار الصاله 100 الف ريال سنوي

والان خلص الاجار ولازم ادفع 50 الف

تدري ليه واقف المشروع رئيس بلديه النسيم يبي رشوه

وخذ عندك انا مجبر بعقد مدته 3 سنوات

حسبي الله عليه ونعم الوكيل اذا تبون صور للمحل انزلها

حسبي الله عليك يا مدير بلديه النسيم

حسبي الله ونعم الوكيل ,, وين بيروح من رب العالمين

ومشروعك حلو وناجح ,, واذا رئيس بلدية النسيم موقف المشروع من دون سبب او نظام , اكتب خطاب وقدمه لوكيل الاماره المساعد وهو بيحولك الى الاداره العامه للخدمات ويطلع خطاب لرئيس البلديه استفسار وهنا مايقدر يتلاعب وبيعرف ان ماعندك لعب ,,

لكن اذا كان عنده حق وفيه نظام ماشي عليه ,, هاذي بتكون مشكله

والله مافيه شي كذا كل يوم مخالفه قبل نفتح والله ان موظفين البلديه يداومون علشانا الصاله

موقع الصاله النسيم شارع الاسود الدؤلي مقابل مطعم الشلوي

الصله موقعها ممتاز واذا فتحت بتدر على ارباح حلوه وهو عارف هالشي

علشان كذا المماطله واللعب عنده فيه موظف عتيبي في بلديه النسيم قالي بالحرف الواحد

رئيس البلديه يبي هديه

علشان كذا اموركم معقده

والله اذا ما فتحت الصاله مصيري للسجن لاني مطالب بس لصاحب الملك 250 الف ريال غير القرض والديانه

وهذي اخر التجاره في السعوديه

يا اشق راسك ولا ماني اخوك

انا بسوي اللي قلت لي عليه وان شاء الله ينفع

اقولك شيء مادام ان موظف البلديه يقول كذا !!!!!!!

اقسم بالله لو انا منك اتصل على 980 المباحث الادارية وخذ موعد مع اي موظف تحقيق عندك واحد نقيب سبيعي يعجبك اسأل عنه هو في الاداره اللي في عليشه ,,

رتب معاه موعد واذا قابلته احكيله السالفه كاااااامله وراح يتعاونون معك ويخلونك توافق على الهديه اللي طلبها موظف البلديه , وبعد كذا خلي رئيس البلديه يعرف ان الله حق

لكن لو سكت وتراكم الدين عليك بسببه وبعدين جيت تقول السالفه بيقولون وينك من الاول ماتكلمت ,,,

وصدقني بعد كذا اتحدى احد يتعرضلك من البلديه ,,

ياخي والله قهر صدق , يكفي انك ماخذ راس المال دين وكمان يطلعون لك بمشاكل ,,

اسمع نصيحتي ولا تأجل ,,,,

والله يوفقك وييسرك لك امورك ويفرجها يارب .

ما ضاع حق وراه مطالب

كثير من الموظفين متعود على إهانة الناس , لأنه يعرف أنهم في الغالب يصارخون في نفس اللحظة ويطلعون ..

المهم يا أخ بنادول .. أنا خايف تطلع لي كرشة , سجلني عندك من أول الزباين وبأشترك عندكم سنة كاملة بحول الله , وأعتبرني داعم لتجارتك

عسى الله يوفقك ..

والشكر موصول للأخ قــوانــيــن