اخذوا الفلوووس ونصبوا علينا (مكتب الصهيبي لللاستقدام)

**ام دينا** · 22-06-2009, 07:07 AM

السلام عليكم ...

والله اني في هم لا يعلمه الا الله ...
من اربع شهور قدمنا على شغالة نيبالية في مكتب الصهيبي للاستقدام ... طبعا المكتب عرفه زوجي عن طريق احد زملاءة بالعمل وانوا قدموا 2نيبالية من عندهم وانهم ممتازات ...
طبعا انا سويت بحث عن هذا المكتب مو معروووف كان لا احد يمدحه ولا احد يذمه ..
وقلت لزوجي قدم من المكاتب المعروووفة لكن اغلبها ما تقدم ابد من النيبال ..
وقدر الله علينا وقدمنا من عنددهم ...
طبعا الاستقدام 9000الاف ريال ,, والله انها بعد سلف . من اخوي الله يجزاه خير... وقالوا المكتب بتجي بعد 120يوم قلنا كثير قالوا ما عليكم تجي خلال شهر الا شهرين لكن هذي اجراءت روتينيه ...
طبعا مر شهر .. وشهرين .. وثلاثة ولا حس وادق عليهم يقولوا بعد اسبوعين وانا فرحانه ويا فرحة ماتمت حامل وتعبانه ومو مصدقة بتجي ...
طبعا مرت الاسبوعين وادق عليهم ويدق زوجي وماحد يرد وندق على الجولات مقفلة كلها...
والله نغزني قلبي قلت ليش يقفلوا الجوالات ...
راح زوجي امس لقى الكتب مقفل وفيه ورقة ان نراجع شرطة الروووضة ...
وراح زوجي قالوا له تعال بكره اللي هو اليوم بيجي الضابط ولا بعد الضابط خوووي راعي المكتب كلهم من نفس العايلة ...
الله ياخذهم يعني شكلنا ماراح ناخذ من وراهم شئ... واعرف زوجي ما راح يطالب و يرووح ولا يجي كثير طيب على نياته ... حسبي الله عليهم ونعم الوكيل .. من امس ما نمت منا للقهر ...
الحين ويش نسوي .. وين نشتكي ...
والله مهزلة ليش حق المواطن يرووح هدر والشرطة اكبر النصب فيها.. حسبي الله ونعم الوكيل..

**جمرة غضا** · 22-06-2009, 07:54 AM

هلا بك ام دينا ويهون عليك
سبق ان ذكر هذا المكتب "نصب على عضو "
مايروح حق وراه مطالب .. الدولة فيها نظام ويحفظ حقوق المواطنين
شوفي الرابط هذا
تحذير : مجموعة الصهيبي للأستقدام والخدمات العامة ‏(

1 2 3)

**ام دينا** · 22-06-2009, 10:57 AM

جمرة عصا بارك الله فيك ...
انا سويت بحث وطلعلي ذالموضوع وعلىاساسه كتبت موضوعي للتحذير منه .. ونفس الوقت ابغى حل ...
زوجي راح اليوم الشرطة وقابل الضابط الله لا يوفقه قال احنا مسكناه واطلقنا صراحة واللي عنده شئ يرووووح يشتكي المحكمة . بكل بروووود ... الله ياخذه هو وصاحبة ,,,
وقدم زوجي على الامارة ومسكين ما يدري ويش يسوووي ... يعني 9 الاف طارت بالهواء...

**سابح ضد تيار** · 22-06-2009, 11:57 AM

يا اختي خوذي نصيحة من العبد الفقير :
المبلغ الان في حكم المفقود وهذا وصف مايتوجب عليك فعله :
الحالة الاولى : انك تغضبي وتزيدي من الظغط على صحتك وعقلك وهذا يرفع مستوى السكر والظغط ويسبب مخلفات لاسمح الله ومع هذا لن ياتي المبلغ بل سيضيع تفكيرك وتتخبط قراراتك بل هدئي من روعك وافعل الاتي :اولا ادعي الدعاء المأثور " اللهم آجرني في مصيبتي واخلف لي خيرا منها " ثم واصلي الانتصار على من ظلمك وذلك باخذ الايصال والتقدم به على الحقوق المدنية واحتفظي بنسخ من كل الاوراق والايصالات ولاتذهبي لل الشرطة لان هذه خدعة لتضييع حقوقكم عن طريق قريب المكتب .
الحالة الثانية : ان تهدئي من روعك وترتبي اوراقك وتحتسبي وتصبري وتفعلي نصيحة العبد الفقير لان الغضب يؤثر على صحتك ويوثر على سير الموضوع ولن ينفعه بل سيضره

**ام دينا** · 22-06-2009, 12:20 PM

سابح ضد التيار ...
الله يجزاك خير .. والله الوووضع يقهر .. وتنقهر زيادة اللي يخدعوك اهل البلد .. ليش يعني ,,,
احنا نعيش في ازمة اقتصادية مو كنا عايشينها من قبل ..
وما اقوول الا حسبي الله ونعم الوكيل ... اللهم اجرني في مصيبتي واخلف لي خيرا منها ...
وما فينا الا نصبر ونطالب بحقوقنا .. ما ضاع حق وراه مطالب ,,,
والله يجزاك خير...

**ابو نواف** · 23-06-2009, 10:41 AM

ام دينا
روحي للأمير سلمان وقدمي شكوى عنده
ان شاء الله يطلع حقك

اهم شي لا تسكتين ولا تضعفين
ولا بارك الله في من يسرق فلوس الناس وينصب عليهم

**ام دينا** · 23-06-2009, 05:00 PM

اقتباس:

المشاركة الأصلية كتبت بواسطة ابو نواف

ام دينا
روحي للأمير سلمان وقدمي شكوى عنده
ان شاء الله يطلع حقك

اهم شي لا تسكتين ولا تضعفين
ولا بارك الله في من يسرق فلوس الناس وينصب عليهم

ان شاء الله بنروووح ... والله ما اسكت عن حقنا لا اطلعه من عيون صاحب المكتب ...
الله لا يوفقه ولا يبيحه ولا يرزقه ..

**$$الصقر$$** · 24-06-2009, 10:16 PM

هلا باختي ام دينا انا نفس الحاله اخذ مني 8500 ولا طلع ولا حتى تأشيره ونصيحتي لك لاتخلين حقك وقدمي شكوى بأمارة الرياض وشكوى ثانية بشرطة الروضة وإذا حابه أعطيك صيغة الشكوى راسليني ع الخاص

بس تكفين لاتسكتين عن حقك لان سكوتك يخليه يتمادى وع فكرة اللي ناصب عليهم أكثر من 50 واحد للأسف

**ام دينا** · 24-06-2009, 11:03 PM

والله يا الصقر راحنا اشتكينا للامارة .. ورحنا المحكمة ...
وما ندري بعد وين نروووح .. اخاف الحرامي ينهب فلووووسنا ... اخ يالقهر ...

**فهد الزهراني** · 25-06-2009, 05:24 AM

المفروض يروح مكاتب لها سمعتها ومعروفه

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري