السلام عليكم
ويعطيكم الف عافيه على هذا الموقع والمنتدى الشيق وبصراحه انا دخلت الموقع عن طريق الصدفه,,
ندخل بالموضوع على طول وبدون مقدمات
طبعا في الكويت ( وانا من الكويت) نلاحظ ان اغلب الناس قامت تشتري السيارات من السعوديه او قطر او حتى الامارات وذلك بسبب الغلاء,,
قلت بيني وبين نفسي الى هذه الدرجه الناس فاضيه وتروح تشتري من خارج البلد
وكان في بالي اني اشتري شفرليه تاهوltz (كامله المواصفات) بس ماني قادر على سعرها لانها بالكويت غاليه اذا كان سعر الكاش 14500 دينار (183 الف ريال سعودي تقريبا)
واذا كانت بالتقسيط يوصل سعرها مع الفوائد الى 17 الف دينار وعليكم الحساب.
اخذ الجواز وقلت اتجول بالمملكه اشوف اسعار السيارات واول ما دخلت سالت وقالولي اقرب الوكالات هي التوكيلات والجميح رحت واستفسرت وبعد ما اخذت المواصفات واحسن من الي عندنا بالكويت بألف مره سالت الموظف عن السعر وقالي 150 الف قلت له كم بالدينار رد علي قالي يا مباحث تقريبا يطلع عليك 11000 دينار كويتي الصراحه صدمني بالسعر قلت له يا خوي مو وقت مزح وابيك تقولي الصدق
قالي يا مباحث والله ان سعرها واذا معزم اجيبلك خصم اكثر
وبعد ما تاكدت من سعرها وعزمت على السياره
عطاني سعر ولا حتى اي مواطن كويتي يحلم فيه بسعر 10400 دينار كويتي أي ما يعادل بالضبط 136 الف ريال سعودي وشرط توصيل السياره الى الكويت مع لوحات التصدير
طبعا الفرق واضح ومايقارب 4000 دينار كويتي

والموضوع الاهم/ ان الوكيل عندنا " يوسف احمد الغانم" يرفض استقبال اي سياره سعوديه للسيرفس والفحص الدوري وذلك لاقبال الناس على شراء السيارات السعوديه
وتكدس السيارات وانخفاض المبيعات بشكل كبير بنسه 45% عند الوكيل

والي حاب اني اثبتله بالاوراق والبراهين يراجعني
وشكرا

على فكره السياره الي اخذتها صار لها معي 6 شهور يعني السالفه فريش :>

تحياتي لكم

اولأ الف مبروك السياره الجديده
ثانياً : انا من السعودية وحسب علمي لكل دولة خصومات من نفس الشركة الأم
ولاكن في كل الدولتين السعر عالي ولا يقارن بالاسعار التي تجدها في الدوله المصنعه

(( رح للإمارات وخذ سيارتين بسعر وحده ))

اخي مباحث
حياك الله

والله يعطيك من خير سيارتك ويكفيك شرهاااااا ويبارك لك فيها مع اني تمنيت انك تصبر شوي لين يطيح اللي بروس الوكلاء عندنا وعندكم وتاخذ سيارتين بسعر واحد ... تضامنا مع حملة خلها تصدي

المهم

السياره اللي انت شريت ب 136 اذكر جاء عليها عرض قبل 3 شهور ب 120 الف ...

وبالنسبة لتصريح الغانم ماهو غريب
صرح قبله لديكم بالكويت وكيل تويوتا الساير ورفض استقبال السيارات القادمن من الخليج والسعوديه !!! واصدر ذلك ببيان رسمي

لانه شاف كرشه نزلت شوي
وهالنصابين عندكم وعندنا مايقنعوووون بالقليل

يصلخك بميه بالميه ربح !!!!!!!!!!!!! والمصنع واحد

حسبي الله عليهم .....

انصح الاخوان بالكويت بالتريث قبل الشراء فالاسعار بنزول ان شاء الله


،،،،، لاتنزل التاهو بالبر كثير ،، تراه مجمع

مشكور يا مقاطع من الجبيل على النصيحه
وشكرا لكم على ردودكم

حياك اخونا .... التصحيح جاي ياليتك صبرت شوي
لكن .. الله يطعمك من خيرها ويكفيك شرها

لاتنزل التاهو بالبر كثير ،، تراه مجمع

مقاطع من الجبيل التاهو برازيلي شفر وعطي الله بالبر << عاد الا التاهو

اخي من الكويت

يعطيك خيرها ويكفيك شرها

نبي منك الله لايهينك توصي ربعك واهلك واللي يعزون عليك انهم يقاطعوا اي بضاعه زاد سعرها مع الزيادة اللى حصلت ولما نزلت الاسعار بقيت كماهي نرجوا ان نتكاتف جميعا ابناء الخليج لنرغم تجار جشعيين لايراعون الله فى ابناء وطنهم لكي يعلموا ان العالم اصبح قرية صغيرة ونحن لهم بأذن الله بالمرصاد

تحياتي لاهل الكويت شيخا وشعبا