السلام عليكم ورحمة الله..
كل من يشترك مع موبايلي في أي من باقاتها المختصة بالشبكة العنكبوتية(النت)
(في مثل حالتي مشترك باقة مفتوحة 350 ريال شهري) (كونكت)،
تعرضت لقصة من ذوات (قهر الرجال) أعوذ بالله منه،
فصل عني الإشتراك فعلمت في نفس الوقت وبواسطة رسالة من موبايلي
أن الإشتراك انتهى ويجب التسديد، طرت في نفس اللحظة للصراف وسددت،
وعدت للجهاز فوجدت أربع رسائل من موبايلي 2 عربي و 2 أنقلش، وحدة
تم استلام المبلغ والثانية تم رفع رصيدك من النقاط.
شبكت والأمور زينة، يومين ويفصل، قلت يمكن مثل العادة مشكلة من الشبكة،
أنتظرت يوم وجربت ماكو فايدة، أتصلت على مركز الخدمة عندهم(1100)
قالوا لي (بعد خبصة كالعادة) أنه لديك مشكلة وهي أنك بعدما سددت لم تطلب
إعادة تفعيل الخدمة، رجاء أنقز لأقرب فرع موبايلي وان كان لك حق بتاخذه
(إيه هين) طرت لأقرب موقع (بعد التراويح) والا العالم ملطوعة قدام الباب
متجمهرين(واذكر الجوازات والأحوال المدنية وفروع الراجحي) وفتحوا الباب
وآخر واحد خذ رقم وأنلطع 45 دقيقة أو تزيد جاء دوري رحت للموظف قال لي
بعد (لخمة واضحة على وجهه) وبإنكسار: أنت مافعلت الباقة بعد التسديد
فأيش صار ياأبو خالد؟!! النظام حقنا شبكك على خدمة النت خارج الباقة
يعني كأنك مستخدم شريحة جوال عادي والتكلفة هللتين لكل كيلوبت/ الثانية !.
وللأسف استنفدت حسابك بهاليومين (بدل شهر) ومالك حل غير انك تسدد
مرة أخرى وتفعل !!!، وين كبيركم ؟؟!! وأروح له ويقعد يتفلسف علي وأنا
"أزمجر" يقول كيف أفهمك وأنت غاضب ! هديت نفسي قدامه(من الداخل مكفهر)
وقلت له غرد، قام يحوص ويلوص وأحنا نعطي المشترك ثلاثة أيام بعد الإنقطاع
وبعدها لازم تفعيل الباقة من جديد، فقلت له متى الإنقطاع رد من يومين! طيب كم المهلة
؟؟!! قال الله أكبر يعني أنت ماقدرت تسدد الا قبلها بكم دقيقة؟؟؟! (عجيب والله).
قال على بلاطة ماأقدر أسوي لك شي، بهذلته وكبر الموضوع ولا ودي أقول لكم على اللي سويته !.
الزبدة: من تاريخ فصل الإشتراك مهلة ثلاثة أيام وان لم يتم التسديد الا بعدها،
يجب تفعيل الباقة مرة أخرى والا الله يخلف على فلوسكم.
آسف على الإطالة.
14-09-2008, 08:37 PM
تنبيه خاص ! (موبايلي)
العرض الشجري