كنت اغير زيت السيارة عند ابو يمن كالعادة الزيت من عندي ويأخذ مني 5 ريال دائم مايقولي شيء.
الأسبوع الماضي كنت مستعجل وجيت اغير عنده قال لي بـ 10 ريال قلت ليش كلها فكت الصرة والزيت ثلاث علب ونص ماتغير شيء. قال لي هذا سعر السوق والمهم انا كنت مستعجل وعطيته 10 وقلت حسبي الله عليك.
اليوم رحت اغير الزيت 4 علب من عندي والسيفون من عندي كمان, قال لي بـ 15 ريال قلت ليش قال لي بعض البناشر يغيرونه بـ 25 ريال, قلت له تسعيرة البلدية بـ 5 ريال خدمة تغيير الزيت قال مالي شغل بتسعيرة البلدية!!
قلت له طيب انا راح اعطيك 15 ريال بشرط تعطيني فاتورة (عشان راح اشتكيه للبلدية) قال لا ما أعطيك فاتورة قلت له ليش النظام يجبر البائع اعطاء المشتري فاتورة بناءً على طلبه, وما يخاف من الفاتورة إلا الحرامي اللي مثلك!!
المهم ابو يمن زودها معاي وقام ينافخ ويقول البناشر كثيرة روح غير عند غيرنا حنا ماجبرناك تغير عندنا قلت له أنا راح اشتكيك للبلدية قال روح اشتكيني لأكبر جني في البلد!!!
قلت له الله يخلي السعودية اللي شبعتكم وخلتكم تنافخون علينا, قال حنا رجال نأكل من يدينا, قلت له عارفينكم يوم تجون السعودية تهريب على الحمير ولو فيكم خير كان اكلتم بيدينكم عند علي صالح, المهم حرقت دمه ومشيت وأنا مقهور على بــــــــلــــــــــدي.

بلدي اللي تشجع النصابين على النصب لدرجة أن أصغر بائع وما أقول تاجر يرفع الأسعار ويتشرط عليك كأنك جالس تشحذه.

أنا اتصلت على رقم وزارة التجارة للإبلاغ عن رفع الأسعار 8001241616 وقال لي البناشر والمحلات الصغيرة ماهي تبعنا تبع البلدية.
سألت واحد معرفة في البلدية قال سعر شغل اليد مالنا دخل فيه هذي بينك وبينه !!!
يعني العب علينا يابو يمن......