اصير خرووف مثلهم ولا مجنون مثلي (بنظرهم)

**طالب جامعي** · 20-06-2008, 12:28 PM

السلام عليكم ورحمة الله وبركاتة
كيفكم يا مقاطعييين ومقاطعااات
ان شاء الله مستمرين بالمقاطعة مثلي؟

اخواني ممكن احد يفيدني في اللي يصير لي
انا لي اكثرمن زميل زملائي من النوع اللي يشتري وياكل ويتقضي ولا يقول الا كم حسابك!!
اذا شاف المطعم -على سبيل المثال- رافع سعرة اشترى منة واستمر علية !
واذا مطعم رخيص سعرة تركة لانة بزعمة مطعم فية تلاعب بالاكل او مكوناتة
انا عكس كذا تمااااااااااماَ
انا -على سبيل المثال - رحت ابا اغير زيت سيارتي وعلب الزيت معااااي (وطبعا واحد من الزملاء معاي ) قال لي ابو يمن التغيير بعشرة !!!(خرم العلبة بريال يعني!!!!)
تركتة وطلعت لمحلات كثيرة وما حصلت اقل
اخير فكرت وقلت في نفسي
اما اغير الزيت بنفسي (وهذي بسيطة لي) واما اني اطلع لحي النظيم (شرق الرياض يبعد عن الجامعة حوالي 28 كيلو) واغيرة بخمسة ريالات(السعر الحقيقي للتغيير)
خويي:
اعترض قال لي انت موسوس وانت متاثر بالمقاطعة واعضائها اصلا كل اعضائها تلقاهم بالصف الاول في المطاعم اللي رفعت اسعارها بس كلام في كلام الغلاء اصاب العالم مو حنا بس1
المقاطعة تبي من المطاعم انها تبيع بخسارة!! وقاعد يتكلم من هل الكلام ..........لين خلص.
بعدها
انا ما سكت
رديت علية وقلت له
لو ان المملكة وشعبها مو اعضاء المقااااااااطعة بس تركوا المقاطعة انا مااتركها لو اموووت ..... وقعدت اتكلم على واوضح له ,,,,,
الاخو مخة محجر
ورد علي بكلام قوي
اما ان تترك الجنووون اللي فيك واما افضح فيك عند خلق الله واقاطعك للابد
انت شخص تتاثر باي كلام ينقال بالنت!
انت مجنوون!ولابد انك تراجع عيادة نفسية!!
انت مستحيل تستمر بالحياة اذا ما تعطي للحياة حقها واكثر
انت حياتك وحدة لاتشغلها بالخرابيط اللي تنقال في المنتدى
صحيح ان اذا قاطع الناس الشي يرجع سعرة لكن هذا برا السعوودية هنا لالالا
فكر وراجع حساباتك زين اما مجنون واما تكون مثلنا!!!

ايش اسوي ممكن احد يحللي هذي المشكلة اذا فهمتوا اصلا ايش المشكلة
ملاحظة هاااامة\\ انا حياتي كلها معتمدة على ثم متابعة المنتدي ولا اشتري اي منتج رفع سعرة
يعني

انا مقاطع بالفطرة!!
اعذروونا على الاطالة وسوء الالفاظ
انتظر ردودكم بفارغ الصبر