العماله والحرفيه

**خليفه** · 25-08-2007, 06:33 AM

بسم الله الرحمن الرحيم

اخواني مرتادي المنتدى

السلام عليكم ورحمة الله وبركاته

اولا احب اشكركم واشكر القائمين على المنتدى والي فكرو فيه لما فيه صالح لاخوانهم في هذا البلد المعطاء فجزاكم الله كل خير ووفقكم لما يحب ويرضى

ثانيا اخواني انا بذكر هنا بعض القصص مع العماله التي تعتقد ان كل واحد منا عنده مطبعة فلوس خاصه فيه يطبع ويصرف ولا يهمه شي ما يدريون اننا على الله ثم على هالراتب

1 - حصل في بيتي في يوم من الايام احتجت سباك يوصل لي مكيف صحراوي المهم المكيف عالي شوي وطلب الاخ مني 200 ريال طبعا بعد مناقشات وشد قلت ليش قال " بابا انت سعودي فيه فلوس كثير " رديت عليه طيب تبي تروح اطلع والا اصبر الي اخلص ووديك انا وكان مقصدي اني اعلمه اننا ترانا نعرف الشغله مو جاهلين جبت السلم الطويل وجبت العده وهو يناظر وطلعت وصلحت كل شي ويوم شاف الشغله تبي تطير منه حاول يساعدني ورفضت وصلحتها قدامه

2 - رحت لنجار ابي افصل لي مكتبه على مقاسات معينه المهم عطيته الرسمه وقعد يحب ويضرب ويقسم ويجمع ويطرح الين عطاني سعره حدده 1300 ريال وانا حاسب كم تبي تكلف المهم ونفس الجدال وطلعت وخليته وتوجهت لكمبيوتري ورسمت المكتبه ورسمت كم تحتاج من لوح خشب وطريقة قصهم ورحت مستودع خشب بالصناعيه وشريت الخشب نوع MDF وهو الدارج الحين ورحت منجره جنب المستودع وقلت له ابي اقصص الخشب حسب المقاسات هذي كم سعرك قال عشره ريال للوح قلت مقبوله وكان معي خمسه الواح سعرهم 440 ريال وشريت المستلزمات الخاصه والاكسسوارات بمبلغ سبعين ريال صار مجموع ما تكلفته الحين 560 ريال ورحت للبيت وركبت القطع مع بعض ووفرت تقريبا سبعمائة ريال صحيح مو المكتبه مو محترفه بس جيده عشان انا هاوي

القصد من هذي القصتين ياخوان اولا مقاطعة العماله الي يحسبون انهم يصلحون اي شي وهم يخربون وصلو هنا ما يعرفون شي وتعلموا عندنا وعلى حسابنا

ثانيا اخواني وخواتي اذا الشغله بسيطه وما تبي احترف ولا خبره صلح بيدك ولا تجيب عماله تدخلهم بيتك الي وهو داخل يراقب وهو خارج احتمال يسرق

وبالنسبه للاخوات اقصد الخياطه النسائية او الخياطين الي بالشوارع رافعين الاسعار الي متى ما تتعلمين تخيطيين بنفسك وش العيب فيها مكائن الخياطه متوفره ومجلات الازياء متوفره جربي فلن تخسري

حفظكم الله ورعاكم وانا معاكم

في امان الله

اخوكم خليفه