سلام عليكم ورحمة الله..

هاذي ثاني مشاركة لي ياجماعة الخير.. وأبغى أحذركم فيها من أحد البنوك السعودية الربوية..
أولى البنوك في النصب والاحتيال..

وهو بنك ساب Sab البريطاني.. أي واحد يفكر إنه يفتح حساب أو يتعامل مع هذا البنك لا يفكر حتى بهذا الشي نصيحة لوجه الله.
انا راتبي ينزل شهرياً على بنك ساب، وكل ما ينزل الراتب على هذا البنك ينسحب من رصيدي شهرياً 15 ريال وأحيانا 10 ريال على كيفهم يسحبوا، ولما راجعتهم قالولي هذي الخصميات عشانك تستفسر أو تقوم بعمليات بنكية عن طريق الصراف من صرافات غير صرافات بنك ساب (لعنة الله عليهم)، يعني الشغل نصب × نصب.. ياليت الخدمة عدله، لا إلا أخس وألعن..
الرقم السري 6 أرقام، ومايمديك تغيرها غير عن طريق البنك نفسه، حتى الصراف ما يغيرلك هي.. بطاقات الصرافه ما تجيك إلا بعد شهر كامل من التقديم عليها.. وخدمة الهاتف المصرفي سيئة للغاية.. وإذا منتم مصدقين ادخلوا أي فرع لبنوك ساب الربوية وشوفوا الموظفين، ماراح تلقون غير خدمة العملاء اللي يشتغلون، وقسم الصرافة في سابع نومه مافيه غير موظف واحد أو اثنين فقط يقومون بخدمة جميع العملاء.. من المسئول عن هذا التسيب وهذه الاختلاسات؟؟
لا أحد طبعاً..

وانا أنصح صراحةً بالإقبال على بنك الراجحي والبنك الأهلي لسهولة التعامل معهم ومن غير استقطاعات وفوائد، وعروضهم المميزة الصادقة وفيها برضه تعاملات إسلامية وشرعية، وهذا ما يميزهم عن باقي البنوك الأجنبية النجسه كبنك ساب وسامبا والهولندي أخس ثلاث بنوك في المملكة، ولكن ساب أسوأهم.

- سلمولي -