إنتـــشـــار.. البويات..في جامعة الملك سعود للبنات في الرياض

**لاتدف** · 22-12-2007, 01:29 PM

السلام عليكم ورحمة الله وبركاته

حنا في زمن والله أعلم أنه أخر زمن..
في زمن الناس..ما أدري وشلون تفكر..وخاصة بعض البنات ؟؟..
مو أي بنات ..لا..المعروفات بأسم..( بويا )..
أي البنت المسترجلة..أللي قتلت وضحت بنعمة ربها " الأنوثة "..علشان وش ؟؟ماأدري!..
مظاهر..أستعراض..لفت الأنظار..تقليد البعض..زود هبال..قل دين..نقص عقل..
بس يمكن..عاهة نفسية..أضطرابات هرمونية..إنفصام شخصية..ماضي أليم..مشاعر وأفكار غبية
مستوردة من الغرب..الوضع الأسري..
والله عجــــــــــــــــــــــــزت أفهمــهم !!!!!!.......

بحكم أني طالبة أدرس في تلك الجامعة في عليشة أللي شملت أشكال وألوان من البنات..وأشياء عجيبة غريبة..بس أللي أشوفهم بالجامعة وكثروا هم المسترجلات..( البويات )..يالله سترك..
أن والله ( البويا ) أرجل من الرجاجيل.. مميزين بحاجات وصفات..وهي..

اللبس..تلبس تي شيرت وبلايز سبورت الفضاضة ومنها رجالية أللي تخفي معالم أنوثتها..
القلايد والسلاسل الحديدية..طولها أشبار ومنها تكون على أشكال عقارب وجماجم..
العطر..تتعطر من العطر الرجالي القوي أللي يفوح منها وفوح..
نظرات..من أدوراها توزع نظراتها مشعة بالرجولة الغريبة للبنات الناعمات..
المشية..اللهم ياكافي تقولون وحدة مشقة هذا من زود المرجلة عندها والله حتى الرجال مامشوا زيها ومعها لازم رزة الكتوف ويدين متفرعة كنه بتصطر أحد..كذا معطيها هيبة..

هذا بيسط وهين وفيه تصنع ويزول..بس الأدهى والأمر..

وشيء هذا أنتشر بين( البويات )هو ألحين عندهم تكمل رجولتها..
صدق أو لاتصدق..لها شنب ودقن..أيه نعم..مو أي دقن..لا..أعتقد أسمها السوالف..ومهمته فيه ويكون
رفيع ونحيف ومحددة دقن من أذنها إلى فكها..أيه والله تطلع دقن..كيف؟؟..أنها تحف منطقة هذه
بالموس..مراراُ وتكراراُ..إلى أن يصير مثل الرجال..
بس البصمة والجودة على رجولتها.. هي قصة الشعر طبعاُ..في بويات تقص شبه زيرو..بس مايغني عن الجل..والباقي يكون البوي..محلوق حلق..ماعدا..أللي قدام ومن فوق وتسوي تسريحة شبابية المنتشرة..أللي يوقفونه وينفشونه بالجل وسبراي وغيره..
وطاحيين فيه هالأيام وهو ( تاتو ) .. يعني الوشم على الكتوف ..

بصــــــــراحة..في منهم تشك أنها ولد.. والبعض واضح متصنعة..

وكلما أشوفهم ماتدور في بالي غير فكرة واحدة بس..هذه( البويا )كيفها مع أهلها..وشلون وضعها عنهم..
وقبلوهم لها شيء غريب..وكيف بيكون مستقبلها.....من جــــــد محيــــــرني..

وش رأيكم بالقضية هذه وهي أعتقد أنها آفة عصرنا؟؟
وكيف بيكون الحل الأمثل لهم؟؟

أعذروني على الأطالة

سبحانك لاإله ألا أنت أستغفر وأتوب أليك .....منقوووول للعظه والعبره والعوده الى الله قبل ان يلحقنا مالحق بقوم لوط