كتبت هذا الموضوع ردا على سؤال احد الاخوان في احد المنتديات الصديقة
على موضوعه وش رايكم بالشركة القطرية للتقسيـــط
وكان مختصر الشركة كماقيل انها شركة يقولون اهلها انهم يتاجرون بالشاي والصابون والرز ؟!!! حسب كلام من زارها( ايناً كان نوع عملها)

تحط مية الف وتاخذ كل شهر عشرة الاف
تحط خمسين تاخذ كل شهر خمسة الاف ريال يعنى 10%وكان ردي عليه كالاتي :




اسمحوا لي بالشده بالكلام وهذا يدل على حبي لكم ونصحكم والكلام موجه للاخوان الراغبين المشاركة بالشركات النصابة

قســم بالله اننا شعب ينضحـك علينا بســـرعــــــــــه مدري لغبائنا المتفحل او لسذاجتنا او لطيبة قلوبنا الزااااااائده


هالحيــــن انتم مالكم عيون تشوفون فيها !!! ولا عقووووووول تدركون فيها؟؟؟!!!!!!!!!!!!!!!

لنتكلم بلغة الدين اولا :

هل تعرف الرباء.................. الرباء بكل اختصار انك تحط فلوس تجي بعد فتره تاخذهن اكثر .. لو زادن بريال واحد اصبحن فلوس رباء وحراااااااااااااااااااااااااااااااااااااااااااام
لاتقولي يساهمون صابون واراضي وخرابيط بل هم يوهمووووووووووووونك بالحقيقه حتى يخدعونك باسلوبهم السلس



لنفرض انك ماهمتك هذه النقطه لاقدر الله .



لنتكلم بلغة العقــــل ثانياا:

هل يعقل انك تحط خمسين ويعطووونك خمسة الاف كل شهر ؟؟؟؟؟؟!!!!!!!!!!!!!!!!!!!!!!!!! بذمتك هل هم سفهاء لهذه الدرجه او مضحكة ؟!!!!! لو هم صحيح كان خذوا الربح لهم




ثالثا نتكلم بلغة التجارب :
سوف اسرد التجارب المئساوية التي مرت على الخليج مثل هذه النصابات

1- الاسطى بالكويـت
في وسط الثمانينات هناك طلع نصاب بالكويت يقال له الاسطى وهو شخص لم يبلغ من العمر خمسه وعشرين عام اصله ايراني متجنس كويتي
اتفق مع شركاء خارجيين ونفذ العملية وهي كالتالي:

تحط الف دينار دينار وكل شهر اسبوع تجي وتاخذ خمسين دينار يعني 20 بالميه وهكذا
وبداء براس مال مؤمن له
واخذ يعطي الناس من اموال بعضهم ويداول المال بين الناس يعطيك من فلوسك ويقول ربح لحتى امنوا الناس به واستمر اكثر من سنه وقامت الناس تتزايد عليه وصار الداخل اكثر من الطالع واستمر ................. لحتى جت اللحظه الحازمه اظنها بعد سنتين

قال خســــــــــــــــــرت الشـــــــــــركة .........؟!!!!!!!!!!!!!!!
شكاوي ...... دخل السجــــــــــن ............. جاء الغزو العراقي ............. طلع من السجـــــن ........ وهو الان يستمتع بمليارات الاغبيــــــــاء حشاكم
من طرائف الموضوع فيه ناس راحوا يطقون على بيت اهله وطلعت امه عجوز قالت انتم مهبل تعطون حلالكم ورع ؟!!!

وراحت الفلوس اليوم والليلــة


1- الطيـر اللي بالرياض
تجي تبيعه سوبرمان مايسوى عشرين الف يشتريه بخمسين الف اقســـــــــــاط والناس قامت تبيعه سياراتها بدبل وهو يقسطهم ويبيع السيارات بنقد .( نفس العمليه تدوير اموال )
لحتى جت اللحظه الحازمه ويوم اصبح الصبح مالقوا غير المعرض فاضي .........@؟@@@!!!!!

رح دووووره .......... يقولون لقوه بالنفود مدري ميت او يشبهه ........... وراحت الفلوس الي يومك هذا


3- العيـــــــد والجمعـــــــه بالدمام
شركة نصابة تدعي انها تعمل في نفط السودان والعراق .....؟!!! ومشاريع عقارات وخرابيط وهميه وكلهم صاكين اللحى وتقل مطاوعه
وبالمناسبة موقعهم مقابل امارة الدمام ومافيه مشكله وشغالين لهم سنين لين وصلت اللحظه الحازمه اظنها اخذوا خمس سنوات بعد مااشتهروا وصار عليهم اقبال
وقفلت الشركة والفلوس الي الان على وجههااا
اعرف اقرباء لي اللي حاط ميه واللي حاط ثلاث ميه .......... وإلي يومك ؟!!!!



4- سوق الاسهـــــــــــم السعودي
( طريقة نصب جديده باسلوب علمي مطور ) عصابة بريطانية
لعبوا لعبة لمدة خمس سنوات
فلوس بالهواءءءءءءءءءء والكل منكم حضر هالسالفه ومنكم من خسر الله يعوض عليه
وفي عشية وضحاها نزل المؤشر ........ مافيه احد يشتري.............نزل نزل نزل احمر احمر ........تعدى نقطة النصب.......
الي خسر بشكل رسمي وراحت الفلوس اللي بالهواءءءءءءءءءءء


5- بطاقات ســـــــــواء
شركة تقول انها تتجار ببطاقات سواء ؟!!!!!!! مقرها بجده او مكه
حط خمسين وتاخذ خمسه شهري مدري اسبوعي نفس القضية والناس طق عصي عليهم ووين الواسطه اللي تدخلك معهم ياحظ اللي يدخل
وهم فعلا يعطونك ويحولون لك فلووووووس لين جت الضربه الحازمه
وطق وسكرت الشركه وعلى وجههاااااااااااااا
طلع اخر شي واحد لبناني المخطط الرئيسي ومعه شريك ضحيه حط كل شي باسمه اظنه سكورتي بالاتصالات من الجنوب وانسجن الرجال واللبناني كفخ بالفلوس ؟!!!!!!!!!! وإلي يومك راحت دراهم العالم



5- درة العروس
اللي دعاياتها ازعجونااااااا فيها ( لزوم الشغل كذا قصدي لزوم النصب ) ومفتتحها امير ومافيه مشكله ............... الخ السالفه
والي يومك فلوس خلق الله على وجههاااااااااااااااا

حتى البدو ماسلمم من النصب
5- العصابة اللي يفترون مع اهل الابل ويشترون الناقه ماتسوى خمسة الاف يشترونها بثلاثين الف باسم اميــــــر والشيك يصرف بعد ستة اشهر
طبعا خلصم شغلهم بشهرين فروا واشتروا من الناس وجمعم اكثر من خمسة الاف ناقه وباعوها في حينها
طبعا يشترون منك بشيك مؤجل ويروحون بعد مية كيلو ويسون مزاد على الابل ويستلمون نقد

يوم جاء موعد الشيخ قال الامير حفظه الله مدري اللي يدعي انه امير .......... بعدين ان شاء الله
مواعيد عرقوب وهكذا دواليك ............. الي يومك ... واحد من الجماعه بايع لهم ثمانين ناقه الله يعوضه خيرر...........
ولا هلله


7- بالاخير هذه الشركة النصابة القطرية للتقســـيــــــــــط
اول شي من المبداء الاسلامي حرام تحط فلوس وتاخذ فلوس اكثر منهن باي حق ؟!!!!!!! مادرستم الرباء بالمدرسة؟!!!

هل تقرون وتكتبون ؟!!!!!!!!!!!!!

ثانيا من ناحية العقل هل يعقل ان فيه احد تعطيه خمسين وتاخذ ميه بعد سنة ؟!!!!!!!!!!!!!!!!!

ياخي اظمن شي وإذا كنت متضايق من فلوسك اظمن شي اشتر ارض لو بوادي بالبر اظمن مية مره لو مازادت مانقصت
العقــــــــــار ثم العقــــــــــــار ثم العقــــــــــــــــار
اخيــــــــــــــــــرا

يااخواني يامن تفكرون بالدخول مثل هذه المشاريع الخيالية الغير معقوله النصابة الجديده والمتجدده دائما
اتراجاااااااااااااااااااااكم
اترجاااااااااااااااااااااااكم
اترجاااااااااااااااااااااااااااااااااكم

لاتدخلوووووون تكفووووووووووون





اللهم بلغة اللهم فاشهـــــــد
واسف جدا على بعض الكلام لانه من حرقتي عليكم وعلى حلالكم