حنشل أو قطاع طرق ... القرن العشرين

**كاش** · 09-10-2007, 10:50 AM

السلام عليكم ..
في الزمان القديم كان آبائنا وقبلهم أجدادنا يسافرون متنقلين بين البلدان والهجر والمقايل (جمع مقيال) وما يسافرون الا بالليل عشان حر الشمس والنفود وكل الاسباب اللي تخليهم ما يسافرون الا بالليل .. ونسمع عن كثير من السوالف حول الحنشل وقطاع الطرق .. وكلنا نعرف ان هذولا مجموعات تتكون من أفراد مطلوبين لقبائلهم أو غير منتمين لقبائل ... ويجتمعون عشان يعترضون طريق المسافرين .. والمسافرين هذولا يكونون أما للحج او العمره أو لزيارة أقاربهم أو للتجاره أو لكثير من الأسباب .. ويقوم الحنشل أو قطاع الطرق بالتعرض لهم وسلب ما بحوزتهم من أموال .. وإن حصل في بعض الأحيان إلى حد قتل بعض أفراد المعتدى عليهم ................
وجه الشبه بين الحنشل او قطاع الطرق في الزمن الماضي والحاضر .. أنه لا يوجد قطاع طرق أو حنشل بما تعنيه الكلمه في وقتنا الحاضر بسبب استتباب الأمن ولله الحمد في جميع أرجاء المملكة .. ولكن كلن له أساليب وتقنيات وحلول يستخدمها في حالة عدم نجاح مبتغاه الأصلي وهو ما نسميه (الخطه البديله) ..
فكلنا نعرف أن الحنشل أو قطاع الطرق همهم الأساسي هو سلب أموال الناس .. ففي الحاضر لجأ هؤلاء الحنشل أو قطاع الطرق لاستخدام (الخطه البديله) وهي سرقة الناس في وضح النهار مع تعديل المسميات من حنشل أو قاطع طريق إلى ...:
تاجر.....؟. نعم تاجر ... وتسألوني كيف ؟ أقول والعهدة علي (أنا الراوي) لما يرفع التاجر أسعار المواد الغذائيه أو الاستهلاكيه (فلسفه مع ان الغذائيه تندرج تحت الاستهلاكيه) .. وياخذ زياده من فلوسنا أو فلوسنا كلها ماتسمونه حنشل أو قاطع طريق .. مهوب قطع الطريق علينا وخلانا ما نوفر لشرا أرض أو بيت ... يعني التاجر قاطع طريق ... اتفقنا ... Ok .
**************
طيب نجي لحنشل ثاني أو قاطع طريق ثاني .. لما كان عندي حدود 37400 ريال تحويشه بسيطه .. والثاني أخذ قرض من البنك 50000 ريال والثالث باع سيارته بحوالي 44000 ريال ... وغيره ... وغيره .. وكلنا رحنا بها لصالات التداول يوم قالوا لنا سوق الاسهم بيرتفع .. كلنا تأملنا خير .. والاحلام قامت تكبر .. اللي يبي يتزوج واللي يبي يسدد ديونه واللي يبي يعالج مريض عنده ... مع تعدد الاسباب .. المهم كلنا دخلنا بها سوق الاسهم .. وفجأه .. انخفس سوق الاسهم ... وطار اللي طار ... ورجعنا كلنا بخفي حنين .. والنتيجه أو النتائج .. فلوسنا راحت .. صحتنا راحت .. عقولنا راحت .. فيه من هم حياته راحت .. (ما أقول لكم ان الحنشل ممكن يقتلون من أفراد المعتدى عليهم) منهو المستفيد من ورا هالعمليه .. ما قلت لكم ان الحنشل وقاطع الطريق يعترضون الناس وياخذون حلالهم ... إذن خوينا هالمره هو مهوب تاجر لكن المشكله انهم .. هوامير .. نعم هوامير الاسهم .. بالله وش فرقهم عن الحنشل أو قطاع الطرق .. يعني اتفقنا ... هوامير الاسهم قطاع طرق أو حنشل ... Ok .
***********
عرفتوا وش وجه الشبه بين الحنشل وقطاع الطرق بين الأمس واليوم ... من زمان وهالحين ...
***********
أما وجه الاختلاف بين الحنشل وقطاع الطرق في الماضي والحاضر .. ان الحنشل وقطاع الطرق في الماضي مهدور دمهم .. ويقام عليهم الحد إذا انمسكوا .. لكن الحنشل وقطاع الطرق في هالزمن ..........................كيف الحال !!!!!!!

آسف على الإطاله يا مسافرين.

*** شكراً للاداره على الترقيه Senior Member وسام أعتز فيه ***