قلت لاخوي الصغير: معروف ليش....يبيلها كلام بعد....حكومتنا تبينا ننفقر....وجوع كلبك يتبعك.
رد اخوي الصغير: لا ياخوي انت غلطان السبب ان الحكومه تبي تشغلنا بلقمه العيش وهاذي من سياسات الهاء الشعب عن امور ثانيه.....انت ماقريت للكاتب فلان ابن فلنتان اللي قال الكلام هذا في كتابه.
رد علينا ابوي الشايب: انا بعد مادرّستكم وكّبرتكم جالسين ماتعرفون وش اللي صاير في البلد....انا اللي مااقراء ولااكتب اعرف السبب....اللي صاير فساد من البطانه الطالحه وكباريتها وتجارها والا حكومتنا ماذخرت علينا شي..... وقام بيروح يلحق الصلاه وهو يقول "الله يعز الحكومه....الله يعز الحكومه"
في نفس الوقت كان جارنا ابو سليمان امام مسجدنا جاي بيخاوي ابوي للمسجد وسمعنا نتناقش وعرف الموضوع وابتسم ابتسامه عريضه وقال "غلاء الاسعار ابتلاء من رب العالمين بسبب تقصيرنا."
فجاة....نقز سواقنا الهندي وهو معّصب وقالي بابا....انا في 5 سنه شغل سوا سوا انتا مافيه يوم انا واحد كلام.....لكن انا اليوم لازم كلام...انتا, اخو حق انتا, بابا شايب, ابو سليمان كلو مافيه مخ.....انا معلوم ليش هازا سعر زياده....هازا ملك يعطي انتا %15 زياده راتب...يعني سيم سيم مكرمه....بعدين هازا تجار سوا سوا كلام لازم زياده سعر علشان نفر سعودي الحين فيه فلوس كتير.

جلسنا نحك روسنا ونفكر وش الراي الصح وراء غلاء الاسعار.....وش الراي الغلط...طيب هل معقول احنا تجارنا لها الدرجه بيسرقونا....وين تنافسهم مع بعضهم البعض.... واذا كانو طيب يبون يستغلون المكرمه والا اهمال وزاره التجاره....مافيه تاجر او هايبر ماركت واحد شاطر لدرجه انه يخلي اسعاره نفسها (مادامه طول عمره ربحان فيها) وبكذا يجذب الناس له ويربح اكثر....ليش يرفع الاسعار وعنده شركات كبيره وافرع كثيره ويعرض تجارته للخطر؟ طيب ليش الزياده مهيب في السعوديه بس....الزياده في كل دول الخليج...وفي الدول العربيه والعالميه.....معقوله كل تجار هالدول اتفقو سواء يسرقون شعوبهم....وفي وقت واحد!!!!! بعدين تعال....سواقنا الهندي يقول غلاء الاسعار بسبب المكرمه....الحين انا تذّكرت ان الكويت, قطر,البحرين,الامارات, عمان والسعوديه كلهم رفعو الرواتب في نفس الوقت....ما قد صارت....يعني حكام هالدول صحو من النوم في يوم واحد واتفقو يرفعون رواتب شعوبهم ويعطونهم مكرمه....مستحيل.....فيه شي....من يشرح لنا ياجماعه داخل على الله ثم عليكم!!!

"انا اشرح لك" التفتنا كلنا وبغى يغمى علينا من الفجعه.....كان اللي تكلم ولدي فيصل اللي عمره شهر واحد...شهر واحد ويتكلم....بسم الله الرحمن الرحيم...داخله جني...مسكون...وينك يابو سليمان تقراء عليه...قال فيصل انا لاني مسكون ولافيني شي ولا كنت مخطط اني اتكلم الا اذا جاء عمري اربع سنين....لكن يايبه انا انقهرت من ثوارتك انت واللي معك وحبيت اشرح لك وش اللي صاير...انتو تفكرونا ياالاطفال مانفهم...انا من شهر من اول ماانولدت انقطعت عني الاخبار وبديت اصير ثور مثلك يايبه انت وعمي وجدي......والا يوم كنت في بطن امي كنت اسمع كل الكلام لاي محل تروحله واسمع كلام اللي يكلمونها....وترا يوم كنت في بطن امي كنت مشترك في شبكه الاجنه العالميه اللاكترونيه....زي الانترنت عندكم...يعني اكلم اخوياي من الاجنه في العالم كله ونقول لبعض وش اللي نسمعه وحنا داخل بطون امهاتنا.

طيب وش سمعت يافيصل؟ وش قالو لك اخوياك؟
فيصل: كان صديقي الجنين الامريكي والجنين الصيني دائماَ يتهاوشون والامريكي يقوله انت مانت جايبها لبر يابو عيون....انتم تعدادكم مليار ومئتين مليون نسمه وبضاعتكم رخيصه وعمالتكم رخيصه وضربتو بضايعنا في العالم كله حتا داخل امريكا....الحين الامريكان مش لاقين اشغال واقتصادنا ضعيف وبضاعتنا محد يشتريها لانها غاليه وشركات كثيره سّكرت وكل الناس تروح الصين وتستورد من الصين علشانها ارخص. ياخي حنا قوه عظمى وبعدين قطع الاعناق ولا قطع الارزاق. وانت عارف يابوعيون...ترا مافيه حرب تصير الا وراها سبب اقتصادي....وقد اعذر من انذر.
الجنين الصيني: انا تهمني مصلحه شعبي مش مصلحه نفسي بس وابيهم كلهم يشتغلون وينتجون واعلى مافي خيلك اركبه.....عندك نووي عندي نووي...انا دوله عظمى مثلك...انا التنين الصيني اخيراَ صحيت وماتقدر توقفني ياابو البرقر.

فيصل: قام الجنين الامريكي يفكر ويفكر وكان يعرف انه مايقدر يحارب الجنين الصيني والا صارت حرب عالميه ثالثه وكان يفكر كيف يضربه اقتصادياً. وبعدين التفت علي انا الجنين السعودي وكنت خايف منه خاصه بعد احداث 11 سبتمبر وقال لي لا تخاف....انا عندي خطه جهنميه... انت يالجنين السعودي زي ماهو معروف من زماااااااااااان تبيعني برميل البترول بسعر ثابت اللي هو 17 دولار مقابل حمايتي لك من الاجنه الثانين....وتبيع العالم كله بسعر السوق اللي هو الحين في العشرينات. لكن (قالها ولمعت عيونه) لو صار سعر البترول 60 او 70 دولار....الجنين الصيني بيروح فيها....راح ترتفع عليه تكاليف التشغيل والتصنيع وكل شي له علاقه بالبترول...والسلعه اللي انا كنت ابيعها ب 5 دولار وهو يبيعها بدولار واحد بس....بعد مايغلى البترول بيصير يبيعها ب 3 او 4 دولار بينما انا بظل ابيعها ب 5 دولار وانا بضاعتي اجود من الصينيه الف مره والناس بيشترون مني.

فيصل: انت اهبل يايبه والا كيف!!!!! وغزو العراق هذا وش كان عشانه!!!! الا لاجل خلخله الوضع في منطقتنا وبالتالي ارتفاع سعر البترول بالاضافه الى السيطره عليه.

فيصل: هااااااااه هه هه هه

فيصل: وكمان هااااااااه هه هه هه لااحلى ابو

فيصل: الله يخليك يابوي...الظاهر اول يوم توديني للمدرسه الى صف اول ايتدائي...انا بدخلك الصف وبرجع البيت......يعني عماني وجدي يعرفون ان العراقيين اشداء واهل حروب طائفيه وصعب السيطره عليهم وامريكا اللي عندها الفين مستشار لكل دوله ما تعرف....الا العراق كان احسن دوله لغزوها لجعل الخلخله مستمره وضرب وادماء الجنين الصيني وهذا انت شايف الحين البترول بالصلاه عالنبي فوق الثمانين دولار......اجل يوم يجينا رئيس الصين للسعوديه يركض السنه اللي فاتت علشان وشو.....ومن متى جانا قبل؟

فيصل:اللي انت شايفه الحين من الغلاء في كل شي.....حنا دول الخليج مستهلكه ومستورده درجه اولى....ومادام حنا نبيع الدول الثانيه البترول بسعر غالي....هم ترتفع عليهم تكلفه الانتاج ويبيعون البضايع على تجارنا غالي....وتجارنا يبيعون البضايع علينا غالي...وعلشان كذا دول الخليج عارفه الشي هذا واستعدت للتضخم ورفعت الرواتب.

فيصل: اقولك انا لسا عمري شهر وابغى اعيش حياتي....انا مش قد الكلام هذا.

فيصل: هذا اللي عليكم بيه من خلال موقع mqataa.co وكمان أي تاجر يجيب من برا ويستغل الوضع .

فيصل: يابوي هذولا عندهم نظم صارمه جداً من وزاراتهم والتاجر ما يفرط ظهره شبر.

فيصل: قلت لهم حنا عندنا كلام نقوله وله مفعول السحر في نفوسنا ولا نحتاج انظمه....احنا تطورنا لدرجه ان احنا عدينا مرحله الانظمه.

ارفع راسك انت سعودي-------------غير ينقص وانت تزودي