المواطن والمقيم ... ورحنا في خرايطها

**كاش** · 25-09-2007, 12:19 PM

السلام عليكم ..
كل مره يطلع فيها مسؤول لازم يربط كلمة المواطن بالمقيم ... يعني المواطن والمقيم ... هل المقيم وصل إلى منزلة المواطن ... هل هي سواسيه ... ما أقول نرفض المقيم ... لكن نحد منه .. طبيعي الاخوان يردفون كلمة المواطن بالمقيم في المسائل الأمنيه لأن هذا شي طبيعي وغصب على كل واحد ... لكن في الامور الأخرى مثل .. غلا الاسعار ... الوظائف ... وغيره ... وش دخل (بتشديد الخاء) المقيم في مثل هذي الحالات .. يعني بالله ما يدرون عن حالات كثير من المقيمين ورفاهيتهم التي تنعدم عند كثير من المواطنين ... لاحظوا في وقت بداية اليوم وعندما يتوجه السعوديين لأعمالهم .. لاحظوا السيارات الفارهة اللي تطلع من حي السليمانية ... لا وكثير منهم بسواويق .. لاحظوا المدارس العالمية والأعداد اللي فيها ... مسأله حسابيه بسيطه .. لو عائلة مقيم عنده أربع اولاد كل واحد منهم في مدرسه عالميه حسابها بالسنه لا يقل عن 15000 ريال يعني 60000 ريال بالسنه بالإضافة لأجار الشقة واللي يتراوح بين 15000 إلى 30000 ريال بمعدل 25000 ريال بالإضافة لمصاريف البيت اللي شهرياً تعادل 5000 ريال وسنوياً تساوي 60000 ريال .. بهالحسبه البسيطة لازم يكون الراتب الشهري لمقيم في هالمستوى المعيشي هو ما لا يقل عن 170000 بالسنة يعني شهرياً ما يقارب 15000 ريال .. وازيدكم من الشعر بيت .. بعضهم مبتعثين عيالهم للدراسة في أمريكا وأوروبا ... والله أللهم لا حسد ... لكن ... يقال عنه مقيم ... أنا والله المقيم مهوب هو ....... وسلامتكم.