عصير تروبيكانا واللعب على الدقون

**كاش** · 15-09-2007, 12:23 AM

السلام عليكم
تتذكرون أول ما نزل عصير تروبيكانا للاسواق ... غطى على كل المنتجات ... بعد فترة بسيطه .. الظاهر قاموا ينقصون من المكونات إلين صار ما ينبلع .. بصراحه كان معجبني لاني كنت ما أستغني عنه في أمريكا في التسعينات (94/95/96) ... رجعت للمملكة وبعدها بفترة نزل عصير تروبيكانا .. استانست ... عطيت أوامر في البيت إنه ما فيه عصير برتقال يدخل البيت غير تروبيكانا لأنه يشبه طعم المنتج في أمريكا ... شوي شوي بدا يسوء الحال .. ويتغير الطعم ... رجعت في أوامري بأن أي عصير برتقال يدخل البيت غير تروبيكانا ... مرت الايام ورجعت لأمريكا ... ياجماعه والله العظيم ان طعمه ما تغير أبدا ... ليش ... وش السبب .. أنا بصراحه ما أدري .. المهم كلمت على شركة تروبيكانا وقلت لهم الموضوع بعد فترة أرسلوا لي شكر ... وهديه متواضعه عباره عن تخفيض لمنتجات تروبيكانا ... وش رايكم في الموضوع.
وسلامتكم.