نفسي الامارة بالسوء تسول لي ان اشتري خروف (لسكان الدمام استفسار)

**صرخة مواطن** · 12-09-2007, 12:49 PM

بصراحة انا اكاد اكون اتخذت قرار مصيري اليوم وهو ان اذهب الى سوق الحيوانات

في الدمام لأشتري خروفين ثلاجة (الخروف: حيوان اليف ذو شعر كثيف له اربع قوائم ورأس واحد)

طبعاً مثل ما انتم عارفين سوق الغنم يبعد عن الدمام مسيرة يوم وليلة

وما ودي اروح وتفاجئني الاسعار وارجع بعد المشوار فاضي وما خذيت غير التعب.

انا لي تقريباُ شهر ما رحت سوق الحيوانات

الي راح السوق قريب يفيدنا بأسعار الخواريف (على وزن فعاعيل)

علشان نعرف هل الاسعار مقبولة او مبالغ فيها.

اذا معقولة رحت واذا مبالغ فيها مالي الا ابو صابر (راعي ملحمة) يمدنا بالكيلو .

ولا مانع ان يتحفنا اهل الخبر بأسعار سوق الثقبة.