السلام عليكم ورحمه الله وبركاته..
ارجو منك التكرم بالاجابه عن سؤالي لدي طفل يبلغ من العمر 4سنوات وشهرين ترتيبه الثالث مالاحظت في البدايه اي شي غريب في وضعه لكن بعد مابلغ السنه والنص ماعاد نطق كلمه ماما فقط بابا والسبب توجهي للعمل وتركه امام طيور الجنه وكراميش من يصحا الصباح حتى وقت النوم مااجلس معه الا نادرا ولا يطلع ولايختلط باطفال نهائي فقط اكله وتلفزيون لكن بعد فتره تنبهت لهالامر وحذفت جميع القنوات وبدء اجباري يختلط ويلعب مع اخواته وبدء يتكلم كلمات خفيفه اخذته لاخصائي سمع لفحص السمع كانت النتيجه ولله الحمد سليم ولما عرف وضعه وكيف نشا قال الغوا كل حاجه وسجلوه بروضه لازم يختلط باطفال من عمره طبعا انا تنبهت بعد بلوغه السنتين ونص ويمكن ازود اهملت ادخاله الروضه خوفا عليه وركزت يختلط مع اطفال الجيران ومع اخواته في البدايه ماكان يلعب معهم ومالومه لانه شي جديد عليه شوفت الاطفال غير انه خجول لكن تدريجيا بدء يلعب مع الاطفال بعد بلوغه الثالثه بدء يتكلم جمل خفيفه وصار يطلب اي شي يبيه بدل الاشاره انه لما كان مايتكلم ولا نفهم عليه كان يعصب ويضرب الباب او الدرج عشان يلفت انتباهنا كنا نعوضه عن انشغالنا بالخروج للسوبر ماركت وشراء الالعاب لدرجه انه صار بس يشتري بس كذا مايهتم فيه يرميها يحب السيارات الطيارات العاب كثيره بس يحب ينام معه العابه وكل مااشترى لعبه جديده رمى القديمه اخذته لاخصائيه تخاطب عشان تاخره بالكلام قالت ذا اشك ان عنده طيف توحد متلازمه اسبرجروقالت البيئه اللي نشا فيها كانت غلط كان مدلل بشكل ضره كثير عزل عن العالم الخارجي ولا احد يكلمه مع الشغاله اغلب الوقت وهي ماتتكلم العربيه انا ووالده مااشوف فيه اي شي غريب حركات او تصرفات بس الاحظ انه يلف براسه يمين يسار في النادر الاحظ هالحركه بمكن تمر ايام مايسويها احيانا للاحظ انه يسويها عشان يطالع في شعره يهتز او يكون مبسوط مره يسويها لان كنت اذا العبه اهز راسي نفس الحركه هو اكتسب كثير من التصرفات الغلط منا او من الاطفال اللي يشوفهم سجلته قبل اسبوعين بالروضه عشان يختلط بالاطفال بعمره مختلط معهم ويلعب معهم لسانه في ثقل مثلا مكرونه كان ينطقها مكنونه لكن مع كثره مايردد ويتكلم تعدلت كثير من الكلمات انا ابي اعرف هل عنده طيف توحد هل يعاني من مشكله كيف اتغلب على تاخره بالكلام هل هز الراس يدل على شي