هاتف مجاني للشكاوي

**مقهور من المسعور** · 11-09-2007, 08:40 AM

س / وين ديوان المراقبة عن وزارة التجارة وموظفيها ؟
سؤال محيرني ودائماً ما أدور على إجابة له لكن للأسف أطلع فاشوش ، والسبب اللي خلاني أطرح هالسؤال العجيب هو " معذرة قصدي الأسباب" لأنه عندي أكثر من سبب ..... وأكيد عندكم غير هالأسباب ..!!!
1. نشرت جريدة شمس قبل أسبوعين تقريباً عن وجود معجون أسنان من هالمعجانين المسطرنة تباع في محلات أبو ريالين ... وين ؟ بجوار الغرفة التجارية بالرياض " أقرب من الشر تأمنه " أنا أتوقع أن هالمحلات ما يمرون عليهم مراقبين التجارة واثقين أن أصحاب المحلات بيكونون حذرين لأنهم يخافون أنهم يطبون عليهم بحكم الجيره .

2. خبر في جريدة الحياة نشر اليوم ومضمونه أن وزارة التجارة مخصصة هاتف مجاني لإستقبال شكاوي المستهلكين من أرتفاع الأسعار ــ سبحان الله تشتكي التجار لوزارة التجار ــ وهالرقم مخصص من أيام زيادة الرواتب لكن ولا مره شفته منشور ولا معلن عنه إلا أول مره أعلنوا عنه ، الوزارة خصصت هالرقم ونامت عليه وكأنه الهاتف المباشر لمكتب الوزير ... .

واللي بيشتكي يحفظ الرقم 8001241616 بس لازم يختصر الكلام لأبعد الحدود بحيث لا يتجاوز كلامه ثلاث دقايق والا تراهم بيقفلون في وجهك والسبب أنهم ماهم فاضين لك ، والنتيجة أنك ما رايح تحصل لجنة وناس تشتغل وتطلع بنتيجة وترخص الأسعار لا بتحصل واحد يبرر أرتفاع الأسعار فقط لا غير " والمبرر القوي واللي حفظه وزير التجارة إلى أصغر موظف في الوزارة " هو أن إيران أشترت كميات كبيرة من الرز مما أدى إلى إعجاب التجار الهنود في الدراهم الإيرانية وبذلك أرتفعت الأسعار ) .