في مساء الأربعاء الماضي الموافق 12 /12 /2012 وعند العاشرة مساءا انقطع إتصال الإنترنت ،
تركت الأمر الى الصباح .. لعل وعسى !
في الصباح اتصلت وكلمني مأمور 906 "خدمات الإنترنت "
وكالعادة :
وش نوع المودم ؟
وأي اللمبات اللي طافي ؟!
وأنت آفاق شامل والا مزود خارجي ؟
ويمكن من المزود !

أسئلةمتكررة و ثقيلة وعسرة الهضم ، يفترض ان كلها عنده على الشاشة ، ولكن ..

انتهى الحديث على " نرفع لك بلاغ " و " يجيك الفني بكره "
مع ان غدا هو الخميس !!
قلت يمكن شركة يشتغلون الخميس !

طرأ علي أتصل واسأل عن يوم الخميس عندهم دوام !!؟
طبعا من حقي ،،
زي ما سألني عن نوع المودم

المهم ..
اتصلت واذا بالأمور تحولت كلها الى رد آلي
وتم حجب رقم مكالمة المأمور
وكان الرد الآلي :
سيتم اصلاح العطل يوم 15

وجع !!
يعني يوم السبت !!
يعني الخميس والجمعه ما فيه أنترنت !!

ماشي الحال
طبعاجاءتني هالرسالة منهم بعد صلاة الظهر ..
ما قصروا



انتظرت ..
ويوم السبت
هلت علينا هالرساله
واتصلنا على الفني باله
يستعرض علينا هباله


يا سلام

لما اتصلت على الفني
طبعا يتكلم بلهجة لبنانية مكسره
إيوا ، و لكاااان
بس صوت النخاشيش يوحي بأنوا موش لوبناني

ما علينا
المواطن:الو انت منتصر ؟!
الفني : ايوا ، لكاان
المواطن : عندي عطل بخدمة الإنترنت ..
الفني : كيف عطل ؟
المواطن : عطل .. عطل .. يعني ما تشتغلمن مساء الأربعاءءء
الفني : لمبة المودم الحمرا شغالة ؟!
المواطن : لمبة الاتصالات طافية ولمبة المزود تبعا لذلك طافية !!
الفني : الحمرا الحمرا شغالة ؟!!
المواطن : يا ابن الحلال ما عندي لمبات حمر بالمودم ، كلهن خضر !
الفني : خلاص انا جاي ليييك ،، دقايق واكون عندك !

المواطن " في نفسه " : أخس يا قوقل !! .. عسى بس ما يجي هنا بالغرفة

بعد حوالى 45 دقيقة اتصلت على الفني
قال : ما اشتغل ؟!
المواطن "في نفسه " : قطيعه .. يمكن نسى الموضوع
...
أخبرته بأنه ما اشتغل واني انتظره من ساعه
واعدت عليه الوصف
بعد عشر دقائق اتصل
ويفيد حضرته بأنه عند تموينات ..
بعيدة شوي عن المكان
فـ وصفت له

وجاء اللبناني ،،
طبعا من لبنانيي افريقيا


وصل على سيارة فخمة لدرجة انه ما عرف ينزل زجاج السيارة
نزل الزجاج الخلفي \..
ثم طالعني أو رمقني بطرف عينه وكأنه يقول : أشغلتنا !
الفني : إيش عندك ؟!
المواطن : انت من الاتصالات ؟!!!!!
الفني : ايوا
المواطن : كلمتك وشرحت لك ،، أعيد؟!!
الفني يطالع في اوراق معه ، ويقول : ايوا هزا عطل في البورت !!

المواطن " في نفسه طبعا " : ياااااااااا منجي من المهالك يارب
ومتى يشتغل !؟
الفني : ما ادري عنه لكن خلال دوام اليوم ..
المواطن : طيب ليش ما قلت لي أثناء الإتصال مادامت المسألة ورقة وتطالع فيها وانت حتى ما نزلت من السيارة ،، ولا طعنا ساعة الا ربع بالشارع !!!

الفني يحرك السيارة ويروح لآخر الشارع ويقف لإستكمال إفطاره على ما يبدو !!

وتتوالى الرسائل يوم السبت زاااتو




واحاول ان اكلمهم
ولكن يتصدى لي الرد الآلي
و
دون جدوى
يخبرني الرد بأن الإصلاح سيكون يوم 18 يعني الثلاثاء
وجع و وجع و دبل وجع

مساء السبت وفي حوالى الثامنة
اشتغل الإنترنت
ولمدة ساعة فقط وبشكل متقطع
انقطعت خلال الساعة خمس او 7 مرات
ويوم الأحدتصلني هالرسالة ايضا