السلام عليكم و رحمة الله و بركاته
اسعد الله صباحكم و مسائكم بكل خير
يا شباب انا موظف و لله الحمد في قطاع حكومي و الراتب اللهم لك الحمد و الشكر و عندي التزامات ماليه
موضوعي اللي اتكلم عنه اني ما امتلك سيارة
بس المشكله
هناك جشع مفرط في سوق السيارات المستعمله و كذلك الجديده
لدرجه اخذت شهر مداوم في معارض السيارات بالدمام
لقيت سيارات و قد جار عليها الزمن اسعارها من 40 الف الي 50 الف
اذكر لكم مثال لقيت شايب الله يعطيك الصحة و العافيه
عنده كامري موديل 2000 نص فل سالته كم ياشيخ رد علي و قال سيمت ب 50 الف
انهبلت
ياشيخ عمرها الحين 11 سنه و تقول بخمسين رد علي بكل برود و قال تبي و لا خلها غيرك بيشتري

و امثاله كثير تروح للوكاله ابو جميل يهلك بذاك السعر و المواصفات تجيب لك الهم
و سيارت كثيرة يصدرونها من الخارج و تعال شف الاسعار عيني عينك

منها الجديد
اقرب مثال معرض سيارات عنده هيونداي السوناتا 2011 يقولك جايه من دولة اجنبيه و تكتشف انها من احدى العربيه المجاوره يشتريها من الاردن بسعر رخيص و يبيعها او يقسطها بسعر دبل سعر المشترا

يعني ( ننحاش ) نهرب من الوكاله و نطيح في الاشخاص العاديين

و لا فيه اي رقابه ما ادري وش الحل بالضبط

ممكن رايكم او نصيحة اخويه استفيد و يستفيد الجميع
و شكر

ا