القصة باختصار

احنا مقاطعين الاندونيسيات فقلنا نبغا خادمة مسلمة احنا في المدينة فاخترنا سيرلانكية واتكلنا على الله و قلنا نقدم قال المكتب التقديم ب 11 من غير التأشيرة قلنا طيب ... اعطينا المكتب قيمة التأشيرة و جلسنا 3 اسابيع نستناهم حتى طلعوها

اتصلوا علينا لما طلعت حتى نكمل بقيةالاجراءات ... اخوي كان مشغول راح لهم بعد 5 ايام و دفع لهم المبلغ ... لما خرج و قطع نص المسافة اتصل عليه صاحب المكتب وقاله احنا نبغا 3 الاف ريال ؟ لما سأل ليه قالوله زاد سعر الاستقدام !!! وكل المكاتب نفس الشيء !!

طبعا احنا رفضنا وراح نسترجع فلوسنا !!

السؤال : كيف يزيد مبلغ الاستقدام في اقل من شهر ؟ وليه هذا المبلغ الخيالي يعني التكلفة على بعض 16 الف و يمكن أكثر ... هذا قيمة ايجار شقة !!! وادفع هذا المبلغ في خدامة ما اضمنها !! ممكن تهرب و ممكن تضرب عن العمل و ممكن ماتكون مثل ماطلبتها و غير كذا راح تجلس سنتين !!! سنتين مدة قصيرة مقارنة بهذا المبلغ !!

ياعالم لازم نكون يد وحدة ونقاطع الاستقدام من شرق اسيا

لازم يفتحوا حضانات للاطفال ... لازم الاب ولام يتساعدوا في كل شيء

الطبقة المترفة لازم تساعدنا اعرف ان 16 الف مبلغ تافه بالنسبة لبعض التجار لكن لو قاطع الجميع مثل ما سوينا في المراعي ممكن ينزل السعر

للمعلومية سمعت ان الاستقدام من اندونيسيا وصل ل 25 الف والله حراااام !!

لازم نسوي حملة لمقاطعة الاستقدام من اندونيسيا الفلبين و سريلانكا واي دولة ترفع علينا السعر

تعاونوا معنا !!!

قدرنا على المراعي و ما نقدر على دول شرق اسيا !!!