قبل حوالي الشهرين اشتريت كفرين من احد المحلات في الرياض وهي مقاس 17 بمبلغ 680 ريال للواحد وقبل حوالي عشرة ايام ذهبت لشراء كفر من نفس المحل تفأجات بان سعره اعلى بحوالي 40 ريال لما سالته وش سبب الزيادة قال لي الوكالة بصراحة حزت بنفسي اني ادفع لهم 40 ريال بس كذا فقررت اني ما شتري من عندهم لكن قلت باخربها على رؤسهم ...........
المهم بدنا النقاش مع العمال اللي في المحل ثم هددتهم باني باقوم بابلاغ حماية المستهلك ( داري انهم ماعندك احد بس الاسم يمكن يربك ابو يمن ) المهم قمت وصورت العمال اليمنيين وقلت لهم علشان اثبت عليكم انكم نصابين وتبيعون باغلى من السعر المهم شوي الا المشرف عليهم يلاحقني ويترجى ويقول تعال ارجع واعطيك الكفر بنفس سعر القديم
علشان كذا ياجماعة لاتفرطون بحقكم وهددوا اصحاب المحلات واذا مانفع التهديد صوروا المحل والعمال وانشروها
اذا تعاونا جميع بنقوفهم عند حدهم