قبل حوالي 4 شهور اشتريت مودم باندالوكس من جرير وسمعت ان الجهاز سريع وحلو
وشريته بسبب الدي اس ال لانه حوم كبدي من كثر التقطيع وخرابيطه واعطال البوكسيه
علشان كذا قررت الانطلاق الى عالم الانترنت عن طريق الاسلكي

المهم اشتركت مع موبايلي بشريحه 1 قيقا
وكان الاتصال ماشاء الله طياره بمعنى الكلمه ومرات يوصل الداون لود حوالي 1 ميقا بالثانيه
واستمريت حوالي 3 شهور وانا اشترك بـ 1 قيقا بدون تقطيع ولا مشاكل
المهم كان الاتصال حلو وبدون تقطيع او بطئ بالتصفح بس ما كنت افتح اليوتيوب وغيره حفاظا على باقتي
وقررت الاشتراك بالباقه المفتوحه اللي هي بـ 350 ريال علشان ادعس بعالم النت بدون خوف

وياليتني ما اشتركت
انواع التقطيع بالاتصال
بطئ بالتصفح
اختفاء الابراج المفاجئ
مع العلم باني ما غيرت مكاني ومكان المودم ما حركته ولا شي

والسبب لان باقتي مفتوحه... حسبي الله عليكم يا موبايلي
يعني لانها باقه مفتوحه يصير كذا بس الباقات اللي تخلص يصير الاتصال روعه

حبيت اعطيكم تجربتي مع الباقه المفتوحه

وياقلب لا تحزن