احي جميع الاخوة المقاطعين لمنتجات شركة المراعي واقول عساكم على القوه
وبالنسبة للمسئولين في شركة المراعي هناك عدة شروط لايقاف المقاطعة والا ابشروا بالخسائر إن شاء الله
١- اعتذار للمستهلكين وتعهد بعدم رفع السعر مره اخرى في جميع الصحف الرسمية
٢-ارجاع السعر القديم ٦ ريال لعبوة ٢ لتر (اللبن) وهذا يندرج على جميع المنتجات العصائر والزبادي والاجبان والكيك والفطائر وعدم استغفال المستهلك في تقليل الحجم
سؤال يطرح نفسه لماذا الشركة تخاف من المستهلك البحريني وتنشر انه لا يوجد أي نيه لرفع السعر علما أن حجم السوق البحريني لا يتعدي حجم استهلاك حي من أحياء الرياض؟؟
هذا دليل أنكم تستخفون بالمستهلك السعودي وتنظرون له أن غبي ولا يفكر
موقف
اخواني المقاطعين لابد من تقوية حملة المقاطعة باي شي تقدر عليه ولا تستهين بأي شي
مثلا امس في البيت اتصالو على البقاله وطلبوا ٤ زبادي ولبن وعصير ومنبهم عليهم انهم يبون نادك او شركه غير المراعي وغير الصافي . اللي حصل ان البقاله وصلوا منتجات المراعي 
وراح العامل سالت ولدي قلت ليه المراعي قالوا ان نادك خلص قلت يصير خير خليت الاغراض في الحوش في الحر عشان تخيس وبعد العصر رجعت للبقالة بالاغراض وقلت له ان قلت لك ما ابي المراعي ليه تجيبها لي قال ان اسف بس ما الا غيرها ومحد شرى منها اليوم الا انت قلت خذها انا جاي ارجعها ودخل واحد يبي زبادي وقاله فيه المراعي قاله هات ٣ التفت له قلت يالاخو ما تلاحظ شي قال الاحظ في ايش قلت كل الشركات مخلصه الا المراعي قال الا شي غريب وش السالفه قلت مقاطعينهم عشان نأدبهم ما يرفعون الاسعار علي كيفهم دخل عامل البقاله في الخط وقال بس نزلوا اسعارهم قلت حتى لو نزلوا راح نقاطعهم عشان يصيروا عبره لغيرهم وقلت للي كان يبي يشتري الزبادي هل راح يصير فيك شي لو ما اكلت زبادي لمدة يوم او يومين اشو شهر قال لا قلت خلاص اذا لقيت زبادي غير المراعي او الصافي اشتر واذا مالقيت لا تشتري الرجال اقتنع وقال خل زباديهم يحمض
فياليت كل واحد يحاول انه يقنع اي واحد يشوفه يشري من المراعي
24-07-2011, 06:35 AM
مستعدين لايقاف المقاطعة لمنتجات شركة المراعي بشروط.
العرض الشجري