هل فيه فوائد من المقاطــعة ..؟؟

**Mohammed NSN** · 05-07-2011, 01:11 PM

السلام عليكم

دائما نسمع نقاطع الشركة الفلانية لانها رفعت الاسعــار ..!!
ونقاطع الشركة الفلانية لان خدماتها سيئة جدا ..!!

ابي اسأل هل فيه فايده من المقاطعة ..؟؟
وش النتائج اللي حققناها من المقاطعة ..؟؟

انا اشوف انه على العكس كل سنة وقبل رمضان ترتفع الاسعار ..
وكلنا شفنا ارتفاع شركات المراعي وشركات زيوت السيارت وفيه غيرها بالطريق
وعذرهم اللي يقول ارتفاع اسعار الاعلاف وهذا الارتفاع طبيعي على مستوى العالم ..!!

طيب ارتفاع الاسعار قبل الراتبيــن ( المكرمة الملكية ) هل هذا بعد ارتفاع عالمي

يعني العالم يدرون انه عندنا راتبين عشان كذا رفعوا الاسعار ..؟؟
>> وماحد ماكلها الا المواطن المسكين خصوصا قطاع الخاص

وش الخسائر اللي سببنها للشركات من هالمقاطعة ..؟؟
اذا ان الشخص الواحد يقاطع وغيره 1000 يشترون من منتجات هالشركة ..؟؟

ليش حنا اللي نقاطع ..؟ ليش مالمسؤولين عندنا مايقومون بواجباتهم ..؟؟
لماذا ماتتم محاسبة المقصرين من حماية المستهلك ووزارة التجارة ومكافحة الغش ..؟؟

اذا هالمسؤول ماهو قد المسؤولية لماذا يستمر ..؟ من يدعمه ..؟ الحكومة مثلا ..؟

عندي كلام كثير بس مابي اطول عليكم انا كتبت هالموضوع من الغبنه والله كل شيء يرتفع وحنا نقاطع وغيرنا يشتري والمستفيد هي الشركة ..!!