السلام عليكم ورحمة الله وبركاته

مساء الخير

انا حبيت اضع مشكلتي مع شركة الاتصالات السعودية STC
واتمنى اشوف منكم حلول

ابدا لكم الموضوع

اولاً
تتذكرون اول ما نزلت باقة برودباند جود بلس ؟
انا كنت من أوائل الناس اللي اشتركت فيها

المهم كانت الباقه واعلان الباقه ان انترنت مفتوح بسرعة 4 ميقا
و اتصال مفتوح للجوال او الهاتف او اي مشغل اخر داخل المملكه بدون قيود او حد معين

اللحين قبل شهر تم إحداث شيء جديد بالباقه وهي انك تكلم 800 دقيقه بالشهر فقط
لاي مشغل اخر يعني موبايلي او زين
وبالنسبه لمشغل شركتهم الاتصالات السعوديه مفتوح
وبنفس السعر 399 ريال كل شهر
وللمعلوميه انا كيف عرفت بالموضوع
عرفت بالموضوع انه اليوم فصلو عليا الصفر
واتصلت على 907
وبعد طول انتظار لين زهقت رد عليا الموظف وقلت له وش المشكله بالصفر
قال الصفر ما انفصل شغال معاك بس مفصول عن المشغلات الاخرى
؟؟

قلت له وليش وش السبب قال عندك 800 دقيقه كل شهر وبعدها يقفل الصفر معاك

؟؟

قلت له ومن متى هالكلام

قال لي من هالشهر تقريبا

قلت له ما عندي خبر ولا تم ابلاغي لو برساله واصلاً اعلاناتكم للحين مكتوب فيها مكالمات غير محدودة لاي مشغل اخر

رد عليا ويقول اذا مو عاجبتك الخدمه افصلها او قدم اعتراض يوم السبت على الرقم المجاني
800

وعشان تتأكدون شوفوا بالله عليكم ان للحين موقع الاتصالات حاط اعلانات عن جود بلص
وكاتب مكالمات غير محدودة لاي مشغل اخر

وهذي صورة تبين عرضهم الكاذب

الله يوريني فيهم ياحي يا قيوم

وربي طفح الكيل وربي طفح الكيل

استخفاف بعقول المواطنين + سرقه + خدمة سيئه + فواتير ملعوب فيها

وهذي هالصورة وانا مشترك في جود بلص اللي سعرها 399 ريال شوفوا وش مكتوب مميزاتها