السلام عليكم ورحمـة الله وبركآته

بصرآحه شجعني تعآونكم أغآمر وأكتب مُشكلتي بهالقســم وإن شآء الله أجد الحل
ومآتقصرون علي بشوركم وتجآربكم ...
:
هذ سلمكم الله سيآرتنآ توآجه بعض الأعطآل .. وبصرآحه زودتهآ ..
حآلياً مرميه بالورشه تعآني من ظفيره خربآنه طبعاً من كثر أعطآل هالمملوحه
صرت مآشآء الله أعرف أجزآء السيآره ...
:
طبعاً أبو الشبآب أتشت معآه .. وقرر يشتري سيآره إيجآر منتهي بالتمليك ولأني متآبعه لهالمنتدى الرآئع من فتره وأمر احياناً على قسم السيآرآت لقيت أن هالنظآم وبآل بالإضآفه إلى الخِلاف بحكمه الشرعي فبصرآحه مآشجعته ..
طبعاً السيآره اللي كآن نآوي يشتريهآ "كيآ" والتقسيط من غير فوآيد سعرهآ تقريباً حول الـ50 الف ..
وصآحب الورشه نصحه بسيآرة "هوندآ إكسنت" مدري إذآ إسمهآ كذآ صح علي أو لا
يقول عمليه وأعطآلهآ قليل ..
انا قلت رأيي وهو أننآ نصلح هالسيآره ونشوف بعدين وزجي يقول لا إذآ احتآجت ظفيره كآمله والله تقعد مكآنهآ انا ماالومه لأنهآ حومت كبده بصرآحه
وانا محتآره مآبي نقدم على خطوه ونندم ..
وخصوصاً إني فهمت من خلال موآضيعكم ان اسعآر السيآرآت للآن غآلي بالإضآفه انهآ غير عمليه ..
محتآره نوروني
شآكره ومقدره لكم