السلام عليكم ورحمة الله وبركاته
تقدمت بطلب خادمة سيرلانكية بموجب رسوم 9500 وصاحب المكتب ماقصر معي بعد شهر كامل جاب لي شغالة فيها نص جلطه حيث انها فيها اعاقه في رجلها ما تعرف تمشي
اخذتها الي المستشفى قالي الدكتور هذي فيها مرض مزمن لازم تاخ ابره كل شهر قالت مافي مشكله دكتور انا مستعد اعالجها على حسابي والاجر على الله بعد 3 ايام من مجيئها قالت بابا انا مااقدر امشي ابي اروح قالت لها خلاص بوديك المكتب بكره
وديتها المكتب قال فعلاً هي مريضه لكن لازم تجيب تقرير من مستشفى حكومي او تجيب لي رفض عمل قال لي رفض العمل اسهل لك قالت لا اوديها اللمستشفى المستشفى الحكومي قالي تعالي بعد شهرين موعد لها فهمت الشغاله قالت بابا انا مااقدر اجلس هنا لازم اروح مااعرف امشي
قالت لها ليش يابنت الكلب قالت رجلين ثنتيها ماتتحرك واشيلها الي المستشفى وقالي المستشفى تحتاج تنويم وتحليل عشان انقرر حالتها ويجتمعون عليها الدكاتره والنرسات وعاملات النظافه ويقلبون المستشفى عزا ويقولون لي بابا هذا شغاله فقير هو مايبق شغل هنا هو مريض يبي يروح سيرلانكا والحسبه تحسب والتحليل شغال 6 ساعات بس جلسوها في المستشفى وانا ماغير اروح ادفع فلوس حق الشغالة دفعت تقريبا 1200 ريال خلال 6 ساعات وكل شوي جيتني عاملة نظافه هذي شغالة مايبق شغل يبي روح سيريلنكا بصراحه جاتني حاله هستريا وادخل عليها في الغرفه واصرخ الصرخه اقولها الحين انا جالس اعالجك وتبين تروحين سيرلينكا قومي اوديك الشرطه اوديها الشرطه واسوي لها اقرار رفض عمل واوديها مكتب العرفج بالدمام ويقولي لا يابابا جيب لي من مكتب التسول قالت حاضر يا بوالشباب واجيب له ورقه اقرار برفض العمل قالي اشتر لها تذكرة وسفرها وبعدين جيب لي الاوراق وجبت له الوراق وقال انتظر من شهر الى شهرين عشان البديل والله العظيم انا الحين لي 4 شهور وخمسة ايام ولا وصلت العامله وكل يوم اكلمه ويقول مافي شغلات في سيرلنكا انتظر وكل يوم يماطل ويراوق ويقول اذا تبي تشتكي رواح اشتك ماقول الا حسبي الله عليك يا مكتب العرفج الله لا يوفقك
اليوم قدمت شكوه الي متكب العمل وانتظر الرد من المكتب
اذا في حلول لا تبخلون علينا
والله يجزاكم خير والله يشهد على ماأقول في هذا الشهر الكريم لم اضف اي كلمه ظلم على هذا المكتب الغدار المحتال
ارجع واقول ابي الشوره منكم والنصيحه
حسبي الله عليك يا صاحب مكتب العرفج وهو يعرف نفسه
18-08-2010, 01:32 AM
مكتب العرفج بالدمام للاستقدام الخدم
العرض الشجري