اليوم رحت لمطعم مشهور ومعروف بالنظافه وهو مطعم ( بيت الشواية) لا تفكرون اني اسوي دعايه للمطعم الموضوع غير كذا
المهم ما لكم بالطويله
وانا صاف سرى فيه احد الزبائن طلب اكل وطلب معاه 2 بيبسي وفجاه بعد ما دفع الحساب قال للمحاسب ليه 2 بيبسي بـ 4 ريال قاله المحاسب يجي معاه 2 مويه صغير قاله الزبون يا اخي ما طلبت مويه رجع لي ريال قاله المحاسب ما اقدر لانه مسجل في المكينه العلبه بريالين ويجي معاه 1 مويه قاله الزبون طيب كنسل حتى البيبسي ما ابي ... قاله المحاسب ما اقدر إلا بعد ما يجي مدير المطعم ومدير المطعم غير موجود حالياً ولمن زعل الزبون اعتذر المحاسب منه على اللي صار ورضي الزبون واخذ طلبه طبعاً معاه (2) بيبسي و(2) مويه ... المهم انتبهت للمويه اللي اخذها اطالع إلا وهي من انتاج بيبسي ... قلت في نفسي اكيد فيه مؤامره من شركة القصيبي باتفاق مع مطعم بيت الشوايه لتصريف منتجاته باستغفال امثال هذا الزبون .. وفي مخيلتي ان القصيبي الحين يقول لعبت عليهم بلى مقاطعه بلى هم .. يشرون وغصباً عليهم يدفعون للبيبسي والمويه بعد ... فالحذ الحذر من هذه المؤامره سواء في هذا المطعم أو غيره واللي مدمن بيبسي يشري من البقاله ولا يرضى بمثل هذا الاستغفال .

سلامي للجميع