آآآخ يالمرور-تعالو شوفو النكبه

**Fresh Prince** · 10-03-2010, 06:36 AM

السلام عليكم ورحمه الله وبركاته

والله انا مشاكلي ماتخلص مع التأمينات واكثر من مره يصير لي حادث (العين والحسد)

طبعا هذا اول حادث حصل معي وهالمره شوف النكبه وين واضحك

بعد ماوصل المرور وخطط الحادث صار الخطأ على الطرف الثاني 100%
ارسلوني اقيم السياره عند ثلاث ورش
700 ريال - 900 ريال - 1500 ريال

المرور طبعا اختار الوسطى 900 ريال
اعطوني اوراق للتأمين وبعد مارحت لهم قالوا لي المطالبه مش هنا
المطالبه تكون في منطقه الخبر وانا بعيد عن المنطقه بس قلت اوكي بروح هناك ومنها ازور اهلي

بعد عده مماطلات ومشاوير اكثر من مره وعدني التأمين بالدفع كحد اقصى يوم واحد
وبعد ماطلعت من عندهم ومسكت الطريق اتصل فيني وقال تعال خذ اوراقك احنا ماراح ندفع (صدمه)

ليش وايش السبب قال اللي صدمك ماعنده رخصه

طيب كيف المرور ما انتبه انه ماعنده رخصه وكيف عدت كذا
وهذا تقرير من التأمين لمرورنا

تتوقعون ايش كان رد المرور لما عطيتهم الخطاب اللي من التأمين

قال لي مدير المرور وبكل بروده وهدوء اعصاب اتصل على اللي صدمك وخله يعطيك المبلغ

طيب كيف انا اتصل عليه واطالبه بحقي والمفروض اخذ حقي من الاول وانتوا اللي تتكفلون بكل شي وتخلونه يحضر هنا المرور ونتفاهم من جديد

____
طبعا طلعت من عندهم واتصلت فيه وطلع ابن حلال واخذت حقي منه

آآآآآخ يالمرور طحت من عيني من بعد هذه الحركه