تخفيضات اكسترا والضحك على الدقون

**ترنيدو** · 19-02-2010, 01:33 AM

قبل مدة قررت شراء جهاز كمبوتر وذهبت الى اكسترا واشتريت جهاز وقالو تعال بكرة تستلمة قلت ماشي وجيت واخذت الجهاز وجربة موظف الصيانة قدامي قلت ممتاز وقال خلني احطة لك في الكرتون قلت يكثر خيرك وبعد انتظار لاجرات الخروج قرابة النصف ساعة انتهيت ورحت البيت فرحان وشغلتة وبدات الشتائم تنهال على شركة الاتصالات بسبب ان الاتصال ضعيف والصفحة ما تفتح ذهبت الى محل اخر اتصالة ممتاز قلت اجرب طلع المشكلة من الجهاز قلت ممكن الاعدادات خلني اودية لمحل كمبوترت لي اتفاجا بانة يقول لي( مذر بورد ) قلت ياولد خلك منة جهازي 7000الف ريال مع الاكسسوارات حقتة (بافيليون)توة نازل وقتها قلت يعمي طير توني ماخذة البارح اشفيك انت اخذت نفسي ورحت لمحل اخر لاتفاجا نفس الكلام مذر بورد خربان صديق قلت ارجعة ورحت لاكسترا وهاتك اسئلة وين الكرتون وين الباغة وين فاتورة الشراء وخرابيط لها اول مالها تالي المهم قلت عطوني ثاني بدون كرتون والا صلحوة اخذت يومين قالو لي المهندس يقول مذر بورد قلت والحل قالو لي بنعطيك غيرة قلت حلو اعطوني غيره سنة وشهرين وكانة موقت على الضمان حصل نفس الشي مذر بورد ذهبت لصيانة في التعاونية وبعد بهذلة وعطلة اكثر من اسبوعين اشتكيت لفرع الشركة في الامارات عن طريق الرقم المجاني الو هلا اخوي قلت انا عندي مشكلة بعد ما عرفتها بنفسي وجهازي المسكين عندوكيلكم في السعودية والرجال ساحب قالت مرحبا الساع هذا رقم يوالك قلت نعم قالت با نتصل عليك اخويا قلت شكرا اختي ما قصرتي بس ارجو الاهتمام بموضوعي قالت ابشر مابي اطول عليكم ما صبرت وبعد ساعات دقيت رقم مجاني مين قلت انا.............................قالوالموظفة انتها دوامها كلم بكرة قلت ماشي وبعد الاتصال اليوم التالي لم اجد تغيير وفي اليوم الثالث كلموني قالو رح استلم جهازك من الوكيل (قلت بس جاك الموت ياتارك الصلاة بروح بالقاة جايب قطع الغيار ومركبها يعني بامسي على الشباب الليلة )يوم رحت قالي الموظف انت الي قلت اية قال خذ جهازك هذا لة صياانة في مبنى ثاني واصف لي ورحت لقيت الصيانة اغلى من قيمة جهاز جديد .
1- من هذة المهزلة اول الجهاز الي جربة قدامي موظف االصيانة غير الجهاز الي في الكرتون وللاسف اني ما شفت الرقم التسلسلي الا في المرة الثانية عندما تم استبدال الجهاز .
2- وش ها الكميوترات الي يطق فيها المذر بورد وهي جديدة واخر صرخة الا ان يكون فيها عيب مصنعي .
3- الشركة يبدو انها تعتمد على مخلفات المصانع الي فيها عيوب مصنعية غير ظاهرة علشان كذا تخفيضاتهم ما تنتهي .(يعلم الله ان ما قلتة حصل واني حاولت بقدر الامكان ان اجمل الصورة والا مارايتة عند اعادة الجهاز معاملة تختلف عن قبل الشراء )