قصة يظهر فيها ذكاء بنوته جميلة
والقصة خفيفة وظريفه انقلها لكم للفرفشه ... بس فيها تسحيب وتحويلات وكباري ومطبات
تــبـدأ الـقصـة ... بالملك يسأل الشعب .. سؤال ؟ وقال اللي يجاوب عليه صح ..!! راح اعطيه فلووس مررررررة كثيير وكل شي يبيه
والسؤال الي طرحه الملك هو ... وش اكثر شي وايش اكبر شي ..؟؟؟؟
وكان للملك خادم ولما راح الخادم لبيته ... قعد يفكر ويفكر
حتى جته بنته البنوته .. وقالت : وش فيك ابوي ؟؟
قام قالها : الملك اليوم سأل الشعب سؤال وقال اللي يجاوب عليه ..
راح يعطيه فلوس وكل اللي يبيه وانا ماني عارف جوابه
ردت البنت : وش هو السؤال ..؟؟
قال ابوها : وش اكثر شي وايش اكبر شي ..؟؟
قالت البنت : روح للملك وقله اكبر شي ارضك واكثر شي مالك
راح الخادم عند الملك وقاله : ياملك ترى انا لقيت اجابة لسؤالك ..
قال الملك : تفضل ..
قام رد الخادم : اكثر شي مالك وأكبر شي ارضك ..
استغرب الملك : منو قلك الجواب ..؟؟؟
جاوبه الخادم : بنتي
الملك : طيب روح قلها .. لابسة ومهي لابسة !! وماشية ومهي ماشية !!
وهدية ولا هي هدية ؟؟؟
الخادم راح عند بنته وقالها : الملك يقولك لابسة ومهي لابسة ... وماشية ومهي ماشية ... وهدية ولا هي هدية ؟؟؟
ردت البنت : طيب روح جيب لي شبكة .. وغنمة .. ولحمة
استغرب الأب من الطلبات بس راح وجابها
وراحت البنت لبست الشبكة وركبت الغنمة .. ومسكة اللحمة وراحت ودخلت على الملك مدرعمه ..
وقالت : ياملك .. انا لابسة شبكة ومو لابسة ..
وماشية بس مو على رجولي على غنمة ..
وهذي لحمة انت تعتبرها هدية ولا هي هدية ..
الملك اعجب بذكاء البنت ... وقالها تتزوجيني؟؟
و طبعا أكيد ما صدقت !!! وتزوجت بنت الخادم الملك .. وعاشو في سبات ونبات .. وخلفوا صبيان وبنات (خلصت !!! لا تونا)
المهم .... وش صار بعد كذا
بعد سنين .. كان في خادم من الخدم اعطاه الملك حصان هدية ..
وفي يوم نام الخادم ونسي انه يأكل الحصان قام هاج الحصان ..
فزعل الملك وجاه وطرده وقاله هات الحصان وضف وجهك
راح الخادم الضعيف وهو زعلااان
المهم شافته الملكة (بنت الخادم سابقا غير المصفوق) .. وقالتله وش فيك ؟؟؟
رد الخادم وهو يبكي : الملك طردني واخذ مني الحصان ونا احب الحصان ولا اقدر اعيش بدونه !!!
قامت قالتله: شف خذ صنارة واقعد اصطاد بالحديقة على العشب !!!
ولو جاك الملك وقالك وش تسوي قله اذا انت مارزقتني ربي بيرزقني..
وسوى الخادم زي ما قالتله الملكة ..
ولما جاه الملك .. وقاله وش قاعد تسوي انت هنا ؟؟
رد الخادم : اذا انت مارزقتني يمكن ربي يرزقني
قام الملك قاله : مين قلك تقول كذا ؟؟؟
رد الخادم : الملكة يا طويل العمر ... طبعا وهقها الغبي
عصب الملك .. وطفش من ذكاء البنت ..
وراح لمها وقالها : شوفي يابنت الحلال .. ضفي عفشك ... ورحي لبيت ابوتس .. بس قبل ماتروحين .. سويلي شاهي !!! وخذي اغلى شي عندك !!!
المهم .. قامت البنت سوتله براد شاي منعنش وحطتله فيه منوم ... وقعد الملك يشرب بالشاهي ويقحن فيه لين
لكن لما صحى الملك .. كانت المفاجئة لنه لقى نفسه في بيت الخادم (ابوالبنت مو الغبي راعي الحصان) وقام قالها : وش جابني هنا ببيت ابوتس وانا الي طاردك
ردت البنت : مو انت قلت لي روحي بيت اهلك وخذي معك اغلى شي عندك ... وانت اغلى شي عندي
وما لقى الملك حل في هالبنت غير انه
وتوته توته خلصت الحدوته
22-10-2009, 10:28 AM
قصة يظهر فيها ذكاء بنوته جميلة
العرض الشجري