طبعا حبيت اشوف معارض السيارات ناوي اخذ استخدام امريكى يوكون او تاهوو يعنى4*4
المهم ادور في معارض الرياض الاسبوع هذا وبصراحه تفاجات
- اسعار خياليه حتى سيارات عدى على حدود 9 سنوات فوق 50000 ليه
-اسعار مجنونه عالم تدور في حلقه مفرغة تدور الرخيص
- حتى السيارات الصغيره ماسلمت منهم فوق 50000 ليه
- لقيت كرايسلر 300 موديل 2006 ماشي فوق 80000 ميل بحدود 77000 ليه مستوره
علما في منشاها تلقاها الى شحنها الى السعوديه بحدود 50000 ريال
-طبعا سالت صاحب المعرض اسعاركم غريبه وغاليه كان رده بصراحه بايخخخخخخ
- يقول الدوله مانعه اقل من 2005 تدخل السعوديه قاموا اصحاب المعارض رفعو اسعار الى اقل من 2005 بحدود النصف تقريبا يعنى جت علينا احنا نرفع شوي قلته اخووي الزبائن لو لقت عندك بسعر رخيص شوي وسيارات زينه بتسوي لك دعايه وانت ماتدري رد علي يقول ماابىدعايه
لي هاذي اسعارنا تبى ولا المعارض كثيره ....

سعرت سيارتى اليوم ويالله جابت 27000 بقله الحيا والطقاق
نزلت اشف زي موتري لقيته فوق 45000 ريال ولا مونظيف استخدام ارامكو
قابلت شخص يقول لي رح عند تويوتا عندهم اسعار زينه؟؟؟؟
اطالع فيه وين اسعار زينه سيارات الدفع الرباعي عنده ماتقل عن 100000
وبعدين تويوتا وسخه واصله بينى وبينهم الى خشم البندق .... عشان سيارة سابقه
والله يزين الكابريس الى معي ارفعه شوي واحاوله فور ويل درايف احسن وياقلب لا تحزن
وخلها تصدى بمعارضهم لعن تلعنهم الى يوم الدين ... اسف على الاطاله