السلام عليكم كيفكم اخباركم وعلومكم
ياجماعه والله قلنا ابو جميل حرامي وهتكنا عرضه
وقلتو نبي ننزل اسعار السيارات
وللأن ماشفت شي والله كان الاندكروزر 2008
بي 165000 والحين وصل 200000
ونخاف بكره يكون 220000
وصمنا كثير واجد
وين وعود المقاطعه
والله كل اللي اعرفلهم معهم لكزس بريمي ولا فكس ار سعودي
موديلاتها 2010 و 2009
ومحد مع المقاطعه ولكن انا المسكين الصائم عن الشراء
للحين ما افطرت على بالي راح افطر بفطور طيب وسعر زين
ولكن بانت الحقيقه والله فشلتو وانا ان شاء الله بكره طالع لعبداللطيف جميل
واحجز لاندكروزر جي اكس ار واعربن 10000
ولا اطلع لواحد من اللي في المعارض
واشتريه
سعر المعارض في واحد اسمه ابو حسان ارخصهم يبيعه على 195000 مع اني اضنه رافع سعره شوي عن الوكاله
والوكاله حجز شهر 193500
ورحت لشورى 198000
ورحت لنجد 196500
وصراحة طفشت وعدت العيال
اننا نصيف على لاندكروزر بس الله ماكتب على بالي صراحة تبون تنزلون الاسعار لكن للأسف الاسعار كلها بأرتفاع
طفشت ضاقت خلقي من اول ماجت الحمله وانا صراحه مبسوط واشتركت في الموقع الرسمي للحمله
وكنت اول المقاطعين لكن للأسف طفشت زهقت راحت الصيفيه عليي وعلى عيالي
صيفنا بجمس 1993 وياليتنا مارحنا عطلت المكينه واحنا بالطائف
وصراحه كنت ناوي اطلع فيه سوريا
وسويت له دفتر تربتك وخسرت عليه
صراحه انا اعاتب عبداللطيف جميل واعاتب كل شخص عبث في نفسية المواطن
تقولون والله ننزل الاسعار
وماشفت غير بس محاربة الوكلاء
ياجماعه نبي افعال مانبي كلام
نزلت الاسعار والله اسعار السيارات بأمريكا مانزلت
والله مانزلت
والله مانزلت
والله مانزلت
وحتى لو انزلت ابي جيب لاندكروزر سعودي جي اكس ار ثري 2010
جيبوه لو 180000
اسمعو اذا كان في وعد تنزيل اسعار
خلال الشهر الجاري هذا فماراح اشتري
نصر لمقاطعتكم
ام اذا كان قاطعواالمنتجات
وش ابي اركب
قولو لي وش اركب
الجمس وبعته 12000 ريال
وماباقي معي غير اكسنت حقت الولد موديلها 2004
وانا صراحه طفشت ارجوكم شوفو لي حل
والمشكله برا الوكاله