بسم الله الرحمن الرحيم

موضوعي اليوم حتكلم عن سوء التخطيط للمشاريع وضياع المال العام وعدم وجود رقابه هندسيه وماليه وخطط مستقبليه لمدينة جدة عروس البحر الأحمر كل شخص يجلس على الكرسي يمحي مشاريع اللي قبله هل هيا شغل عناد او تصفيه حساب أو سوء تخطيط أو مال فائض لخزنة بلدية محافظة جده وشعارها الامانة والشعار اللي أشوفه لا أمانة عن صدق بسبب اللي أشوفه واسمعه من حوليا وحذكره لكم أن شاء الله يا أخوان وأخوات من بعد الله بسبب اعمال التسيب والرشاوي والتستر والمخالفه والشركات التي تنفذالمشاريع الفضيعه والردئيه...........الخ من البلدية


جدة - نافورة ميدان الربوه (كما يسميه بعض الناس ميدان المنجف ) قبل 4 سنين أو 5 سنين تم افتتاح الميدان على يد المهندس / عبدالله يحيى المعلمي وتم عمل زفلته جديد حول الدوار بسبب قدوم بعض الشخصيات من البلديه مسانده من المرور والشرطه وكتب الخبر في جريدة عكاظ والخبر الجديد ازالة الميدان والفلوس اللي انصرفة في مسح الميدان القديم (كان نوافير بسيطه ) وعمل ميدان جديد من جذوره بالرخام والنوافير والمضخات اللي كلف مبلغ محترم راحت في السراب عملية بدأ الازاله صارت بتاريخ 27 /9/2009م يوافق الأحد أو 28 /9/2009م علشان خاطر الكوبري اللي أوشك على أنتهائه الموجود على تقاطع شارع حراء مع شارع المكرونه
طيب أين الرقابه عن مراقبة المشاريع المستقبليه وضياع المال يعني مشروع مثلاً كلف 5 مليون ريال بعد كم سنه يتمسح ويجي مشروع ثاني بـ15 مليون وبعد كم سنه يتمسح ويجي مشروع ثالث بـ20 مليون مين الكسبان؟! ومين الخسران؟!
ليش ما تنصرف الفلوس في المكان الصح ياعالم
يعني لما يتم عمل المشروع المفروض دراسته من جميع النواحي السكانيه وتعدادهم و خطوط السير والخدمات بجميع انواعها لـنـظـره بعد 40 سنه تقريباً أو كثر ولاكن الموجود العكس من سنه حتى 5 سنين يجلس المشروع وبعدها مسح وإذا مره بيسوا انجاز عالمي كبير 10 سنين وبعدها يتم الازاله












[/











[/




تم أخذ هذي الصوره بعد الظهر من بين الساعه 2 إلى الساعه 3