السلام عليكم .. كيف أحوالكم
اليوم الجمعة 23 شعبان 1430هـ ، رحت الى معارض خريص
من المعارض جنوب الى شمال والمعارض الي مقابلهم .. مليان سيارات
شفرولية وجي أم سي وهمر جديدة
موديل 2009 (( مليان مرة وبقراطيسها )) وبعض المعارض حصلت 2008
جديد بس مو مثل كثر موديل 2009
الي اعرف ان الهمر بالذات تصريفة وهو مستعمل ثقيل بيعه خاصة عند الشريطية ولا احد يتكسب منة
لانة غالي سعره جديد .. لقيت معرض مليان عنده همرات لون ابيض وفضي نوع اتش 3
استغربت يوم شفت الهمرات ودخلت ولقيت مو همرات يوكن طويل وقصير + تاهو وسيرا
في آخر المعرض . قلت يمكن متخصص بالامريكي طلعت ومريت الي جنبة ونفس الحكاية
وصرت امشي وادخل اللي بعده لين آخر معرض مطلعها عند الباب سيارات جي أم سي
يوكن وهمر وتاهو عليها غبار تقول رشه شد بلد وعلية البلاستيك الابيض بكل الجهات
تقول كانها ما لمست ابد .. واطلع في يوكن والقى علية استكر على البلاستيك الابيض مكتوب علية
لازم ينشال البلاستيك الابيض قبل 31\6\2009 قلت شكلة الدفعة الاخيرة من السيارات
واشيك على سيارات ثانية لقيت 31\3 ولقيت 31\2 يعني السالفة كلها تخزين في تخزين
مريت على يماني اعرف من زمان وسولفت معاه وقلته 2010 على نزول وانتم جابين 2009
قال : مو بكيفنا .. مضغوط علينا من الوكيل عشان يفضون الميناء والمستودعات لموديلات 2010
والشركة الام تفرض تصريف السيارات قبل موعد نزول وموديل 2010 ولازم تكون كلها مباعة
والوكيل باعها لنا بالجملة عشان ناخذ خصم خيالي + تسهيلات في موديل 2010 مع ان الوكيل
شاريها بعد تخفيضات المصنع له .. يعني مو على التصريف ومخزنها عشان تمسك سعرها
اللي بقولة ... الوكيل شاريها لنفسة بنصف السعر ومخزنها 7 شهور او اكثر عشان السوق يمسك
السعر واذا بغى يصرفها ... باعها بمكاسب عالية على المعارض الي تبيع لنا اقل من سعر الوكيل
بفرق اعلى خمسة الآلف ريال .. والمعارض كاسب من الزبون بحدود العشرة او اقل
شف الفرق 15 الف ريال تقريباً من سعر الوكالة لو شريت منها
اليوكن 127الف دفرنسين متصل منفصل بحب الخشم بالوكالة ... بالمعارض ومعارف تاخذة
بحدود 123 الف .. كم طالع على صاحب المعرض من الوكيل 105 الف تقريباً للسيارة
كم الوكيل كاسب من المعرض 25 الف تقريبا لان الوكيل يشمل
الضمان والصيانة سارية المفعول للموزعين له وتكون مرغوبه في البيع
بكم شراي الوكيل من المصنع او الشركة الام للسيارة الواحد
هي السالفة كلها حسبه ... تحمل الصواب والخطاء ولكن هذا الي صاير في البلد
التجار يبون تاخذ السيارة بالسعر القديم
50% ما تستحقها يالزبون السعودي في بلدك .. عكس ما استحقها الامريكي في بلده
15-08-2009, 01:59 AM
الله اكبر والله
العرض الشجري