ثقافة القيادة عندنا
تمشي بطريق سريع ثلاث مسارات داخل المدينة او خارجها
وتتفاجئ بسائق اجنبي ماسك المسار الاوسط يمشي بسرعة ثمانين كيلو متر بالساعة
يعني ( مثل سرعة التريله ) وانت مثلا جاي مسرع تمشي 120 وهو كأنه واقف
وعلى يسارك تريله
وعلى يمينك راعي كامري ( مطسس ) يمشي 200
متجاوز متجاوز الله لايعوق بشر !!!
ولو مسكت المسار الاخير ثبت السكان لان راعي الكامري راح يتجاوز مع الاكتاااااااااااااف وشوي تشطف المرايه المرايه !!!!!!!!!
تحس ان هناك جهل كامل في كلاء السائقين .....
الاجنبي متعود على طرقات شبه معبده بسيطه ببلاده وسيارات لاتتعدي سرعتها سبعين كيلو وقيادة لك عليها ويمكن السكان يمين ولا فيه امل يتعلم حتى لو حطيت عليه زيت بريك بإلاضافه الي الزيت اللي على دماغ صديق ...
وراعي الكامري السلفر .......... توه طاق الكامري اقساط او من الوالد الله يحفظه والمسجل اخر شي ودااااااااااااااااااعس مايعرف الا التكبيس للي قدامه !!!!!!
تذكرني سياقة الهندي عندنا في سياقة بعض النساء في دول الخليج والدول العربيه
إذا مسكت الدريكسيون ( السكان ) او الطاره مثل مالبعض يسميها تنسى شي اسمه المرايا الجانبيه والوسطيه امش وبس
فعزيزي السائق احذر من هاؤلاء الفئات ... بالاضافه الي الشاحنات المستهترة والذين لايهتمون بالاضاءه الخلفية للشاحانات ... والمرور بس شاطر على التظليله والتغبيره
فياليت وزارة المواصلات في مكان الميزان يحرصون على الاسطبات الخلفية للشاحنات والعلامات الفسوفوريه المشعه للشاحنات
تحياتي واتمنى للجميع قيادة امنه في هذا الصيف وكل وقت
بقلمي
26-06-2009, 02:28 PM
كن حذر .... امامك هندي ... وخلفك كامري
العرض الشجري