جرير وعرضهم السخي ....؟ اشترلابتوب واحصل على 1000 ريال ..السر في ذلك..؟

**بولوهي** · 25-06-2009, 12:21 PM

السلام عليكم ورحمة الله وبركاته

قبل كم يوم ذهبت لاشتري محمول من احد المحلات فدخلت عليهم وهالمحل معروف ولا ودي اقول اسمه عندنا في بريدة
ولقيت لي محمول طيب سونيVIO بسعر 3999 ريال ومواصفات اخر شي ومن افضل الانواع

فيوم رحت ابصرف علشان اشتريه لفت انتباهي عند الاشارة عرض لجرير وهي القسايم الشرائية اشتر محمول وتحصل على كرت ذهبي او كرت فضي ( الذهبي يساوي 2000 ) والفضي يساوي 1000 ريال )
طبعا هذي قسيمة شرائيه وكلنا نعرف جرير انواع الاسعار اللي تهد الظهر غاليه مرره مقارنة بالاسواق الاخرى

والقسيمة محدودة يعني موزعين الالف او الالفين عنك يعني لازم تشري مثلا بقيمة 100 ريال من قسم كذا وبـ400 ريال من قسم كذا

يعني محددين وش تشري وهذا تسويق لمنتج اخر واكيد يبي يصير غالي
المهم يوم رحت لمهم والقى نفس الجهاز اللي كنت ابشريه سوني VIO واناظر السعر

ولاو موب اللي تبي كان سعره بـ4899 ....؟ قلت يمكن اقساط لاني اشوف الورقة تحت وبه بعض المعلومات عن الاقساط

يوم رحت وسألت اللي عند المحاسب قالي لا هذا مو اقساط هذا سعره

قلت طيب بكم اقساط
قالي خذ السعر ورح لم اللي عند الباب البنك

واخذت السعر ورحت لمهم قالي بـ6000 الاف ريال المحمول

اقساط لمدة 12 شهر وباللوحة على الابتوب مكتوب 18 شهر << هذا غلط ثاني .
واشوف المواصفات من جديد كان فيه فرق بينه وبين اللي بالمحل اللي رحت لمه الاول كان اللي بجرير 3 قيقا الرام وكان اللي بالمحل الثاني 4 قيقا الرام والباقي نفسه وهذا يمكن يطيح من 100 الى 200 ريال ....

؟
يوم انهبلت وقلت والله ما اخلي اهل ديرتي تستغل بالشكل هذا وكتبت لكم الموضوع
فقمت ببعض الحسابات
فطلع لي المحل الاول بـ4800 اقساط يعني ولمدت 6 اشهر يعني . القسط 800 . وجرير
بـ6000 ريال القسط = 1200 ريال ولمدة سنة .
وش رايك ..؟ يعني تدفع انت قيمة القسيمه . مما يعني انهم يجبرونك على شراء منتجات منهم وانت تحسبه هدية

.

واما اللعبه الثانيه من جرير يرضوه
اخوي راح يبي يشري لابتوب من ماكنتوش وشاف حدا الابتوبات عندهم معه Ipod هديه .
يوم راح لم جرير لقاهم مخفضين شوي على الابتوب وحاطين IPod يباع مو هدية ..؟

شرايكم الحين بجرير والتخفيضات

.

وهذا الموضوع على ذمتي

---------------
كلام احد الاشخاص

اقتباس:

السلام عليكم

شكرا لك على الموضوع وحبيت أضيف إضافة ، وهي إنني عندما زرت المكتبه المذكورة لشراء لابتوب وسألتهم عن العرض قالو لي :

إن 2000 ريال و 1000 ريال .. هذه قسايم شرائية ، قلت كيف ؟

قالوا : أنها لازم تكون من قسم الالكترونيات فقط .. قلت طيب

قالوا : فيه قسيمة لبرنامج نورتون أنتي فايروس وهي تخفض لك سعر البرنامج من 280 ريال إلى 99 ريال يعني لازم تشتري برنامج نورتون بـ 99 ريال علشان تستفيد من التخفيض ..

قالوا : فيه قسيمة تخفيض للعبة فيفا يعني لازم تشتري لعبة فيفا علشان التخفيض قلت طيب أنا ما أبغا لعبة فيفا قالوا : العرض كذا ..

وهكذا لازم تشتري برامج ما تحتاجها علشان تقدر تحصل على التخفيض ..

واللي أفضع منها إنك لازم تستغل كروت التخفيض قبل شهرين من تاريخ اليوم اللي أنا رحت فيه ..

شيء ثاني فيه من ضمن القسايم جهاز كونكت شركة الإتصالات واشتراك مجاني وشريحة مجانية لمدة شهر يعني إذا راح الشهر وبغيت تستمر لازم تدفع رسوم شركة الاتصالات وإذا ما أعجبتك رسوم شركة الاتصالات ووقفت الشريحة تبلش بجهاز الكونكت وتروح تدور على اللي يشتريه منك ..

أمر آخر الوندوز في معظم الأجهزة فيه الوندوز واجهة انجليزي ويدعم العربي وسألتهم عن تحويل الواجهة إلى عربي قالوا فيه سيدي بـ 500 ريال يحول لك الواجهة علشان ما تخسر النسخة الأصلية وهذا السيدي أيضا مهوب متوفر في بريده عندما زرتهم .. ورحت وشريت كمبيوتر من محل ثاني وقال لي تحويل الواجهة مجاني وهو ملف يسحب من الأنترنت ويثبت على الجهاز وتبقى الوندوز أصليه بواجهة عربية ..

هذه أمور أحببت أن أفيد بها اخواني ولا يعني أنني أحمل حسد على مكتبة جرير ولا غيرها لكن الواحد يحب لأخيه ما يحب لنفسه ..

اعلم ان الموضوع متأخر لاك توي اعرف عن منتدى مقاطعه
ولقد انشئت مدونه داعم لهذا المنتدى