والله يا شباب ان هذه الصيدليات منذ اكثر من سننتين ومن قبل ان يفكر اي تاجر بالاستغلال وقبل اي بدايه تذكر لتغير الاسعار قد بدأت بخطة احتكاريه حقيره بالدمام ومن ثم رفع الاسعار

وكان اول فرع لهم في الشارع التجاري بحي 91 قرب الهلال الاحمر وكان عندهم حليب السيملاك انذ1اك ب 40 ريال بينما هو ب 38 في جميع المحلات والصيدليات ومن بعده بدأت مقارنة اسعارها مع اسعار الصيدليات الاخرى في نفس الشارع

واذا بي افاجاء بان اسعارهم وبكل وقاحه مرتفعه اقل شي 15 % الى 25 %

المهم انا قلت طز فيه. . فيه الف غيرها

لكن المفاجأه الاخرى هي

كنت اتعامل مع صيدليه اسمها السلامه واسعاره جدا معقوله وذات يوم ( حلوه ذات يوم هذي ) كعادي جيت مدربي راسي مبسوط مع وجهي ابشتري حليب للولد واذا السعر مرتفع ريالين زي النهدي يعني ؟؟ توجهت للمحاسب وقلت ياخي شفيكم رافعين السعر ؟؟؟

بالله وش تتوقعون كانت الاجابه

قالي الصيدليه هذي شراها النهدي وهذي اسعاره ؟؟

قلت طيب اللوحه باقي اسمها السلامه .. قال والظاهر ما راح يتغير الاسم بس الاسعار تغيرت

وفعلا لما طالعت على استكر السعر الا ومكتوب عليه صيدليات النهدي ( الله لا يبارك له ولا يبارك في رزقه ) المهم قلت ما يخالف فيه غيرها

وسرت اتعامل مع صيدلية الهلال اللي عند الاشاره ونفس الحركه كانو تمام معي وبعد كم شهر الا والسعر متغير

على طول طالعت للاستكر واذا بالاستكر مكتوب عليه صيدليات النهدي ( والله العظيم اني ما كذبت ولا افتريت ولا اشهد الا بما رأيت )

المهم قلت للصيدلي حتى انتم شراكم النهدي ؟؟

قام يلف ويدور قال لا النهدي هذا هو مورد الادويه الحين ؟؟ قلت يا سلام واللي يورد لصيدليات الحياه منو ؟؟

المهم طلع النهدي شاريها بس ما غير اسمها

ووالله العظيم الحين سار فيه صدليات كثيره شراها النهدي ولاغير اسمها

وازيدكم من البيت شعر قصدي من الشعر بيت

الصيفيه العام الماضي كنت في الغربيه وانتم عارفين هناك صيدليات النهدي زي الرز
بس انا ذكي قلت والله لو امتر شارع التحليه والاربعين علشان بندول ما شريت من عنده
ورحت لصيدليه برضه منتشره في جده واسمها السديس وشريت اول غرض الا وانا افاجاء بأستكر السعر مكتوب عليه صيدليات النهدي الزفت ( الزفت هذي من عندي من القهر ) قلت للمصري انتم بعد يورد لكم النهدي ..مورد ايه وكلام ايه دي للنهدي !!
قلت حسبي الله عليه ونعم الوكيل

والله لاقاطعه ابدا ما حييت ..