السلام عليكم ورحمة الله وبركاته
اليوم مريت على مطعم شواية السلام اللي في حي السلام بالرياض لأن الشباب في المنتدى يشيدون فيه ، وطلبت من عندهم ورحت للبيت ، صراحة الاكل كان زين وأنا اشوف انه افضل من بيت الشواية وخصوصاً الرز ، مهوب هذا موضوعنا .
يوم وصلت البيت وحطينا السفرة اللي تجي مع الطلب إلا مكتوب عليها اسم المطعم : شواية السلام، والسلام هو من اسماء الله الحسنى ، والجميع يعلم مصير السفرة بعد النهاية من الاكل.
لذا ولأن الرسول صلى الله عليه وسلم يقول : ( من رأى منكم منكراً فليغيره بيده ..... الحديت) ولأن العمالة اللي في المطعم لغتهم العربية ركيكة وقد لايستوعبون حجم المشكلة لو تم اخبارهم ، أتمنى من يعرف صاحب المطعم أن يخبره عن هذا الامر .
وفق الله الجميع