وانت زعلان على امتلاكهم السيارات والا على انهم جابوا عوائلهم والا على وظائفهم الصغيره والا على ايه بالضبط؟؟؟

الدول الأخرى تاخذ رسوم قليله على الاقامه والعمل مفتوح في اي محل مايشترط لدى الكفيل وبامكانك تسوي اي شي تبيه من دون ماتجلس منتظر رحمة الكفيل حتى على اضافة زوجتك للاقامه او ايجارك لشقه او فتح حساب بالبنك وللمعلوميه الدول الأخرى تعطي المولود على ارضها جنسيه الدوله ومن يقيم في البلد بشكل نظامي لمدة تزيد عن 5 سنين يحصل على الجنسيه والدول الاخرى تسمح لك بتملك منزل وتسمح لك بالتعليم الجامعي وهالكلام لاتحسب انه بدول فقيره لاياخوي ترى هالكلام في الدول المتقدمه والصناعيه الكبرى ونشوفهم يشتكوا من البطاله لكن عندهم عقول تفكر في ايجاد حلول بشكل سليم وسبحان الله هم مؤمنين بان الله اللي يوزع الرزق وكل واحد بياخذ نصيبه ( بنظره الى انظمتهم وقوانينهم بتشوف هالشي ) مو مثل هنا بالمنتدى اللي صار كل واحد يشوف ان البلد مابتصلح الا من دون اجانب وان الاجانب يكرهوا البلد ويكرهوا السعودي وهم اللي ماخذين رزقه..

اصحوا واعقلوا بلا هرج فاضي واللي يبي الكسب الحلال يتوكل على الرزاق مايجلس يقول ياحكومه ليه الاجنبي عنده سياره وعنده بقرة وانا جيبي فاضي اقلعوه بلده واعطوني سيارته ترى هو شاريها بفلوسنا.......
صدق الرازق في السماء والحاسد في الارض

النظام يسمح يا اختي ومابيقدروا يدخلوهم غصب عن النظام الا لو صاروا متخلفين...
الموضوع ومافيه ورقة من ( السيد الكفيل ) الى الجوازات تفيد ان ( العبد الاجنبي حقه ) يستلم راتب اكثر من 3 الاف ويملك مؤهل جامعي ( لابد من احضاره ) وان الكفيل ماعنده مانع ويسمح لمكفوله باستقدام اسرته ويدفع رسوم 2000 ريال ( قيمة الفيزا ) ثم يحضرهم...

اذا كان من دون مؤهل جامعي يشتري فيزا بمبلغ فوق 15 الف ريال ويجيبهم هنا ومن ثم ينقلهم على كفالته وكله حسب القانون والنظام...

للاسف طيب شبابنا الافاضل مايبغوا يشتغلوا في مغسلة سيارات او مغسلة ملابس او صبي قهوه او في بقالة او حلاق او عامل بلديه او او ......... الخ...

والاجنبي مايقدر يتملك محل باسمه اذا مافي الا الاحتيال على النظام بهالطريقه والسعويدي يجلس في بيته وكاتب 10 محلات باسمه ومن كل محل يستلم شهريا 1000 ريال او سنويا 5 او 10 الاف وهو مريح راسه من العمل والتعب وش تبي احلى من كذا نظام ؟؟؟؟

والكهربائي والخياط ومهندس الساعات على بالك يكسبوا بالشهر 100 او 200 ريال ؟؟؟ ترى الخياط النسائي يطلع اكثر من 15 الف ببعض المواسم لاتستهين بمهة الخياطه والكهربائي لما تجيبه يركب لك نجفه ياخذ من 50 الى 100 وتخيل لو باليوم ركب 10 نجفات بس كم يطلع له يوميا ... على بالكم هالوظائف دخلها بسيط ؟؟؟ لكن وين الشباب الواعي اللي يدور على الرزق....

تعرف ان السباكه تعتبر مهنة راقيه ببريطانيا وعندهم نقابة ويعتبروا من الطبقه الوسطى؟؟؟؟ والحلاق اللي تستهين فيه وتدفع له 15 ريال على سكسوكتك لو باليوم الواحد سوى 10 سكاسيك ( مدري صح الجمع؟؟ ) طلع 150 ريال وباخر الشهر 4500 بس من 10 اشخاص ؟؟؟ واذا جاب عائلته بيستاجر لهم بيت ويشتري مقاضي ويدرسهم ويصرف الاموال هذي كلها في البلد مما يساعد على رفع اقتصاد البلد بدل مايحولها لهناك وتعتبر ( عمله صعبه خارجه )...

واضح جدا عدم وجود العنصريه لا بكلامك ولا بالردود اللي بالموضوع يمكن بس في ( شوي حسد ) << تلطيف اجواء...

اذا السعودي يثق بالاجنبي ومايثق بابن بلده فهالشي عيب في السعودي وتفكير والله موب عيب في الاجنبي ويحتاج الى توعية لكامل الشعب رغم اني اشوف اننا شعب بسيط نثق بالجميع وبالذات باللي يبحث عن لقمة عيشه...

خلي ابن البلد يدرس خصوصي او يوصل مدارس مين مانعه طيب والسالفه مافيها تقديم ولا شركات السالفه عرض وطلب واذا بتقول لي الاسر السعوديه ماتثق بالسعودي اذا نرجع لنفس الموضوع وهو اعادة برمجه المجتمع ونفهم ليه السعودي مايثق بالسعودي ؟؟؟

الله لايحطك بموقفهم تعرفي انهم الان ممكن يترحلوا من البلد من غير اي ذنب الا لان الكفيل دخل السجن والله اعلم وش سبب دخوله ؟؟؟؟

خلي المسكين بحاله والتفتي على الشلة الكبيره الهوامير الكبار وترى اللي رواتبهم قليله حتى لو رفعوا فهم يرفعوا على حجمهم يعني محل او اثنين بمدينه او قريه من القرى مابتشكل ازمه ومباشره تلقى البديل وطالعوا في الناس الكبار اللي تلهف وتلهط المليارات ومحد قادر يقول لها ( ثلث الثلاثه كم ) اجل كاميرا مرور بـ 2 مليون غير الموردين الاساسيين للبضائع الاستهلاكيه كالرز والدقيق وباقي المواد الغذائيه اللي شغالين ذبح بالعالم وشر البليه مايضحك.....

ياكثير منهم يقولها بالعريض مجبر اخاك لابطل... وبالنسبه لكره السعوديه والسعوديين فهالشي اقنعتوا فيه انفسكم انتوا والا انا بمحيطي ومجتمعي بمكه المكرمه ماعندنا هالكره لا مننا ولا من الاجانب الا لو كانت على فئه بسيطه جدا وغالبيتهم من الجهله يمكن لاننا محتكين بالحجاج والاجانب والمعتمرين دائما ؟؟؟؟

جمره اسمحيلي بهالسؤال....
عندك سواق ؟؟ وش جنسيته ؟؟؟
اذا ماعندك انتي سواق هل احدى اخواتك او خالاتك او عماتك عندها سواق؟؟ وش جنسيته ؟؟
بلاش سواق يمكن عندك مزارع وتشتغلي بالزراعه ابي اسئل المزارعين اللي عندك سعوديين ؟؟؟
واذا ماكان سعودي اتمنى تبدأي بنفسك وتحطي سائق سعودي ومزارع سعودي وماتروحي الا عند طبيبه سعوديه وكوافيره سعوديه واذا احتجتي لعامل بناء او كهربائي او غيره ابحثي عن سعودي واذا رحتي السوق لاتشتري الا من المحلات اللي فيها سعوديين واذا كل عضو هنا طبق هذا الشي على نفسه وقتها السعودي بيقدر يشتغل في اي مجال اما كلام وبس في الانترنت ونقول ياميري هاتي الشاي وقولي لراجو يروح يشتري لي تويكس من عند بقالة عبده اليماني ويعدي على صديق الباكستاني يشوف خلص فستاني والا لا وبالمره يعدي حنفي يجيب لنا عشاء فلافل وشوي مزه لبناني ( ماينفع )...

البنقله بجده روح الصباح وشوف الصيادين كل واحد يجي بخيشته ويبيع اللي ربي كتبه له من البحر وكل واحد ونصيبه لاتحط حوادز لنفسك يابوي قول انا كسلان وما ابي اشتغل لاتقول هم اخذوا رزقي حتى البحر وهو بحر قاتلوكم فيه الاجانب على رزقكم ياخي شكل الله سبحانه وتعالى غضبان علينا ومايبي الخير للسعوديه والسعوديين ( استغفر الله العظيم )...

تمت بحمد الله << هي قصه من كبرها