السلام عليكم ورحمة الله وبركاته.

إخواني ياجماعة الخير بقول لكم قصتي أنا وبعض موظفيين شركة أحمد حمد القصيبي لتعبئة المرطبات (بيبسي) بالشرقيه.

أنا خريج الكلية التقنيه تخصص إنتاج صناعي عام 1428هـ...وأنا من سكان الأحساء .

وقدر الله علي ورزقني بوظيفة مشغل آلات في مصنع البيبسي راتبي الاساسي 2400 مع البدالات يوصل 3200 يعني مخصومه تامينات إجتماعيه 270 ريال صافي الراتب كل شهر 2930 ريال.

لما جيت أتوظف ووقعت العقد مع الشركة كان من ضمن الشروظ إن الدوام الرسمي 8 ساعات واللي يزيد عن 8 ساعات يعتبر إضافي ويحسب للموظف طبعاً كحال جميع الشركات.

والدوام طبعاَ ثابت صباح من دون شفتات..وكان الوضع ماشي على ماهو عليه ولو إن كموظفيين سعوديين تنقصنا الكثير لكن الحمدلله يعني راتبي هذا مايفتح لي بيت لو فكرت بالزواج بعدين والشركة هذي معروف عنهامافيها زياه لو تجلس فيها 15 سنه.

ومافيه للسعودي تأمين طبي لكن الأجنبي له تأمين طبي..المهم قبل شهرين تقريباً توفى صاحب الحلال الشيخ سليمان القصيبي وكان آخر أبناء حمد..واستلم الحلال الآن أبن اخيه يوسف بن أحمد القصيبي.

ولكن انظروا ماحدث ياجماعه لي ولباقي الموظفيين السعوديين بالمصنع..

نزل قرار بأن الدوام راح يكون 9 ساعات وراح يكون شفتات اللي هو من الساعه 7 صباحاً وحتى الساعه 4 عصراً..والإسبوع الثاني يقلب دوامك من الساعه 4 عصراً حتى الساعه 1 منتصف الليل.والراتب على ماهو عليه ..ولما دخلنا على مدير الإنتاج(فلسطيني الجنسيه). قال لنا بالحرف الواحد انتوا بالأول كنتوا تداومون 8 ساعات مع ساعة الراحه يعني دوامك الرسمي يكون 7 ساعات عشان كذا خليناها 9 ساعات يكون ساعه راحه و8 ساعات دوام)..حنا طالبنا بزياده في الراتب ولكن لاحياة لمن تنادي . والدوام يوم الخميس دوام كامل يعني فرضاً لو داومنا من الساعه 7 إلى الساعه 4 متى راح تطلع من الخبر وتوصل للأحساء ع الأقل يبغالك ساعتين بالطريق.علماً بأن موظفيين المصنع السعودين كلهم من الأحساء والقطيف.

أنا استفسرت من أصحابي اللي يشتغلون بمصانع ثانيه وقالوا قرار من مكتب العمل إن الدوام يكون 8 ساعات 7 ساعات عمل وساعه راحه للموظف.

رحت أتأكد من مكتب العمل ودخلت على الموظف في قسم التحقيق والقضايا وسألته عن نظام الدوام الرسمي..قال : كم ساعه انت موقع بالعقد مع الشركه؟؟ .. قلت له 8 ساعات بالعقد قال خلاص داوم 8 ساعات.

ولما علمته بالقصه حسيته ماعرف وش يقول وأرسلني لموظف ثاني ونفس الحكايه بعد الموظف الثاني ارسلني للمدير .

وأنتظر المدير من الساعه 12 ونص الظهر لين 1 ونص وهو مو موجود بمكتبه .

ورجعت مره ثانيه للدوام ودخلنا مره ثانيه للمدير وطالبناه إذا يبغى يزيد علينا ساعات العمل على الأقل السعوديين يخلينا نداوم يوم الخميس نص دوام يعني من 7 الصباح إلى 12 ونص الظهر.

المدير وعدنا خير وقال راح أخليكم تدامون نص دوام يوم الخميس..وجا يوم الخميس اللي هو أمس ودخلنا على المدير قلنا له متى ينتهي دوام السعوديين اليوم قال حالكم حال الباقي.

ولما اعترضنا على كلامه قال اللي مو عاجبه يقدم استقالته ويطلع برى الشركه <<-- خير ؟؟

والحين جميع الموظفيين السعودين مستآئيين من الدوام وطبعاً كل هالقرارت صارده من المدير المالي حسن زعتر (فلسطيني الجنسيه).وأصحاب الحلال مايدرون عن شي يصير داخل المصنع.

والفلسطينيين يسرحون ويمرحون وزياده بالانتاج على حساب الموظف السعودي عشان تزيد عمولتهم.

أدري طولت عليكم بالكلام اعذروني لكن ابي حل أنا ظروفي صعبه ما اقدر اترك الوظيفه ولو ان الراتب قليل..لو تركت الوظيفه صعبه احصل وظيفه ثانيه وانتوا عارفين نسبة البطاله كم واصله بالبلد والبركه كله في الشركات الخاصه.

فأنا ابيكم تدلوني على شي اسويه اقدر فيه آخذ حقي وحق باقي الموظفيينالسعودين من هالزمرة الفاسده الفلسطينيين.

سامحوني إذا طولت عليكم بس المنتدى هذا انشهر في كل مكان بسبب ظلم وكالات السيارات للمستهلك ..

دمتم بود.