اليوم يا اخوان اتصلت على واحد من موظفين عبداللطيف جميل اسأله عن سعر الجيب gxr وكم بيكون السعر النهائي طبعا الرجال انا جايه عن طريق اخوه اللي شغال معي في المدرسه المهم انه قال لي لا تستعجل الحين ترى الاوضاع عندنا صعبة جدا والمبيعات في الارض وفي خلال الايام القادمه راح تسمعون اخبار عن تنزيلات جامده والسبب ان الشركة الام ارسلت بعض الخبراء لزيارة فروعها حول العالم لدعم المبيعات وانه حصل اختلاف بينهم وبين عبداللطيف على السياسة المتبعة في تسويق سيارات تويوتا ونسبة الارباح المبالغ فيه وعدم تماشي سياسة عبداللطيف مع الاوضاع المالية الحالية . اتوقع انشاء الله ان الامور بتكون في صالحنا . ارجو من اخواني المواطنين الصمود والله هانت . نزلنا خشومهم الارض وباقي نوريهم الويل بس بتكاتفنا يا اخوان احنا اصحاب اسر وبيوت مليانه ويفرق معنا الريال اللي يرجع ارجوكم خلونا لو مره وحده نتصر في حياتنا ونصنع طريق لأولادنا يمشون عليه ويحاربون الجشع اللي صاير صدقوني يا اخوان انتو صح تدرون ليش لأنكم تحاربون على لقمة اولادكم .. اوعدكم ان انتصاركم سوف يكون له اثر سيستمر لعقود طويله . تحياتي لكم ولكل من يقف شامخ في وجه الظلم والجشع واكل اموال الناس بالباطل.
اخوكم عدنان خاشقجي