توكيلات الجزيرة والحيلة المخفية

**كحيلان** · 17-04-2009, 05:19 PM

مساكم عطر ياشباب وشابات منتدى مقاطعة
تعوذت من ابليس يوم الاربعاء وقلت اروح لتوكيلات الجزيرة اشوف العروض اللي عندهم على سياراتهم واللي اذونا فيها بالمواصفات واقوى العروض
لما جيت اخذني الموظف بالاحضان وقام يشرح لي ويعطني من الكلام الرخيص لحد ما طلع لي نخل براسي
المهم جذبني فورد اكسبلورر رحت اتمقل فيه واشوفه واتصور جنبه المهم شافني الموظف معجب بالسيارة جاء يتميلح عندي
واخذ يعطيني فكرة عن السيارة وعن مواصفاتها واهم شي اسعارها تفاجأت بالتالي :
فئة قيمتها 95000 ريال وهي اقل فئة
فئة قيمتها 99000
فئة قيمتها 109000
فئة قيمتها 127000

طبعا السعر مادخل مخي لو ياذن لانها مبالغ فيها جدا جدا جدا
والشي اللي لفت انتباهي وشككني بالموضوع السيارات وحده والاختلاف بينها بسيط من ناحية المواصفات طبعا الفار بدا يلعب بمخباتي وقلت انا حاسس ان الدعوة فيها نصبة دولية
قلت ياولد ليش ماتروح وتدخل الشبكة العنكبوتية وتتاكد
دخلت على موقع شركة توكيلات فورد الأم وكانت المصيبة اللي وقف لها شعر راسي واحنا يالسعوديين لكم الله مضحوك عليكم
الحيلة اللي مسويتها شركة توكيلات الجزيرة هي ان اقل فئة تم اضافة بعض المميزات لها من الفئة اللي بعدها واصبحت فئة رابعة يعني بالعربي ياشباب الفئات اللي موجودة بشركة فورد هي ( ليمتد - اكس ال تي - ايدي بايور)
وتوكيلات الجزيرة مشكورة على هذي الحيلة اخذت فئة ليمتد واضافت بمعنى عدلت لها ميزة وحدة من ميزات فئة اكس ال تي واصبحت فئة رابعة واصبحت الشركة تبيع فئة غير موجودة غير عندنا بالسعودية
طبعا هذا الرابط اللي يبين لك فئات السيارة
https://www87.forddirect.fordvehicle...tiveQuickQuote

انتبهووووووووووووووا من الحيلة
تحياتي لكم