‏ بسم الله الرحمن الرحيم
تجربة يذكرها احد الأخوة وأكيد خاضها الكثير غيره وحبيت ان اذكرها فقط للتذكير والفائدة وأكيد سيقوم الوكلاء بتسويق هذه السيارات بحيل قد لاتخطرعلى البال فكن حذر خاصة بعد المقاطعة ونزول 2010م
يقول المثل "اسئل مجرب ولا تسئل طبيب"
يقول أخونا سبق وشريت سيارة على الزيرو (جديدة) ولكنه مخزنة وبالتحديد جيب فاكس ار موديل 2003م وكان ذلك عند نزول موديل 2006م يقول المهم كنت ناوي اشتري 2006 ولكن ارتفعت قيمته إلى 200الف وقال لي موظف عند ابوجميل فيه عندنا موديل2003 جديد بمبلغ 153الف
و قال تراه مافيه فرق قلت خلاص تم وفي اول الأمر قالوا لي الشباب تلقاه مصدى وشفته لقيت فيه صدى خفيف قلت بسيطة ثم اكتشفت إذا صار فيه حول الربع بنزين يبدأ يقطع المهم قالوا الوكاله فيه ترسبات لأنه واقف اكثرمن سنتين وهذا بعد تنظيف التانكي يروح ولكن بعد تنضيفه ماراح التقطيع وشافه ميكانيكي قال من العوامة ثم بعد شهرين فقط من شريته وبالصدفة سئلت موظف فرع ابوجميل عن سعر أخر موديل قال ب157الف ريال نفس مواصفات سيارتي يعني انخفض سعره 40الف وعندها عرفت أني ابتلعت الطعم ...
لأنه بعد ماصرف ابوجميل الموديلات القديمة نزل سعر الجديد ... يقول تخيل جاي للوكالة منفعل بسبب ربل المساحات لأنه تقطع من اول ماشغلتهن ثم عرفت عن نزول السعر حسيت من شدة القهر والإستغفال كأنه طلع لي أذان احمار مثل إذا حمقوا في فلم كرتون... بصراحة رغم أن الموقف حزين إلا أني والله دمعت أعيوني من الضحك ...
صحيح شر البلية ما يضحك .
يقول ثم سافرت للطائف والسيارة يعلم الله مامشت اكثر من 20الف تعطلت في موقف الله لا يوريكم كان معي اعيالي وفي طريق الهداء وكان مزحوم لدرجة الصدام بالصدام
وإذا دعست بنزين يطفي ثم نقلته لفرع ابو جميل بالطائف وكان سبب العطل خراب قطعة الكترونية بالبخاخ المهم غيرت القطعة ب1500ريال وأول ماوصلت القصيم بعته ب115الف استعمال اقل من سنة...وفوق هالخسارة بهدلة وقهر و إستغفال...
وحسبي الله ونعم الوكيل...انتهت