حملة آفاق شامل التثقيفية
اولا باركو لي الانتقال من شركة الانفصالات السعوديه من يوم السبت القادم الي شركة موبايلي يراتب افضل ومميزات وضيفيه ارقى وبمركز رهيب
<<< اليوم مسوي وداعيه بالعمل ووقع عقده الجديد
شركة فيها فساد مالي كبير وفيها عنصريه رهيبه ولازال يغلب عليها الطابع الحكومي بالتعامل مع موظفينها .
على فكره الانفصالات تحقق المركز الثالث من حيث الايرادات على مستوى الملكة يعني جايه بعد ايرادات البترول وايرادات الامن العام (جوازات .مرور الخ)
وااااااااااااااا تسبديييييه
15 سنه قضيتها بهالشركة لا ترقيات ولا حوافز ولا حتى تطوير
انواع التحطيم وانواع التهديد بمعنى اشتغل وانت ساكت والا نقضبك الباب
تخيلوا بمره صار عطل بشبكة الجوال على مستوى الرياض توقفت الخدمه اضن اربع ساعات عن المشتركين وكنت انا مناوب بالمركز ساعتها وكانت الحلول موجوده لانها من اساس شغلي ولما سويت اللي ينبغي اسويه بهالحاله وصلحت هالعطل في اسرع وقت قامت الدنيا ولم تقعد واخرتها لقيت نفسي منقول للشرقيه بين يوم وليله
لان بعض المتنفذين يبون يستفيدون لما هالعطل مايسويه الا مهندس بريطاني بيكلف تذاكر طيران وسكن بفتدق وضيافه وهلم جرا وطبعا هنا بتكون فايدتهم والذكي يفهم
مشكله ابن البلد اذا ابدع حطموه
اقسم بجلال الله جايني عرض ومعه جنسيه وعرض بعمر اهل اهلي مايحلمون فيه بس رفضته لاني احب وطني
طيب ياخي استغلوا هالحب فينا وعطونا فرصه نبدع شوي ليش عقدة الاجنبي لازالت مسيطره عندنا
تخيلوا بريطاني وربي مايعرف راسه من رجلينه ودايم يتسبب بحرق اجهزه واعطال اي مبتديء يعرف لها معطينه راتب 18 الف هذا غير ايجار الفيلا والسياره اخر موديل
وانا زحمه وشهادات ودورات متقدمه وحماس وابداع واخرتها 10 الاف وزين ان جت كامله لازم يقصقصون منها وبدل ايجار 8 الاف بالله قولوا لي وين احصل شقه ايجارها 8 لا يكون يبوني اسكن منفوحه بالرياض او حي الكهربا بالدمام والله حتى هالاحيا ماتحصل فيها بـ 8
ولا وعاد من زين السياره اللي هم معطيني اصلحها مرات على حسابي اذا اطريت
المووهم موب هذا كلامنا بس من الفرحه على 15 سنه غبن
يا اخوان خدمه افاق شامل ضحك على الدقون بالاضافه الي السوء بالخدمه والتلاعب فيها ومتأكد وواثق ان جميع المشتركين فيها حاسين بهالوضع وساكتين ومدري ليش هالسكوت كن مافيه الا افاق !!!
يا اخوان حتى 907 يلطعكم بالساعات مايعطيكم وجه وين احترام العميل اللي يتبجحون فيه؟
اقسم بالله مره كنت عند اختي وجالس اتصل عليهم ومتابع مع الرد الالي جلست اكثر 45 دقيقه الين رد واخرتها موظف مايعرف شي بالله هذي حاله؟؟
انا انصح الجميع ودون استثناء بالتغيير للشركات الاخرى اللي تقدم خدمه الانترنت مثل شركة نسما واول نت وزجول وصحاري الخ
كم بيكون الفرق يعني؟؟ اللي بيخلينا نتمسك بافاق بس لايكون متمسكين فيها عشان المودم حقهم اللي قيمته برا بميه ريال وصيني بعد
يا اخوان لايهمونكم دام فيه البديل الافضل واكثر من بديل بعد
مسوين دعايات وزحمه واخرتها خدمه اقل ماتوصف بانها لا ترتقي لما دفع لها من مقابل
تطلب 1 قيقا بقدره قادر تصير 512 وانت تدفع للواحد قيقا
يقول لك الموضف عشر دقايق وتكون الخدمة مفعله عندك وبقدره قادر تصير يومين اذا مو اكثر.
يعني كل ذا كسل مانمر اي محل وناخذ اي بطاقه انترنت ونشغلها ؟؟
والله فيه شركات روعه والنت فيها ارووع ومتاكد اغلبكم جربها قبل تجي افاق
من اليوم لازم نسوي حمله تثقيفيه للتخلي عن افاق والاتجاه للشركات الاخرى ونبين مساويء خدمة افاق للجميع واذا تعدلوا ممكن نفكر نرجع لهم
ولازم نبدأ بأنفسنا ونقرر من هذا الشهر الغاءها ونبدأ مع الشركات الاخرى وانا انصح انه مع خدمتات الشركات الاخرى ماتاخذ بطاقه اكثر من شهر خلوها على شهر عشان اذا ماعجبتكم نجرب غيرها الين ترسون على شركة ترضيكم بخدمتها .
انتم معي