تحذير لكل من يشتري العاب لأطفاله ( بالصورة )

**yousef70** · 26-08-2007, 05:39 PM

أنا مالي غير اسبوع مشتري لعبه للولد من المحلات اللي تخبرون للألعاب واليماني ماقصر أكرمني ببطاريات جديدة فتحها قدامي
وركبها في اللعبة وكل شيء تمام لكن اللعبة بعد يومين ماعاد تشتغل قلت خربها الولد .

واليوم انتهت بطارية الريموت كنترول فقلت آخذ بطاريات اللعبة ...

المفاجاءة يوم فتحت الغطاء ابي البطاريات واحصلها مملحه وكل أحماضها طالعه منها وطبعاً هي مواد سامة جداً وخطره جداً لو لمسها الطفل ويمكن توصل لفمه أو عينه .

البطاريات صناعة صينية ومن أرخص وأسواء الصناعات وهي تستخدم تجارية للألعاب و اتذكر إن خمسين حبه تباع بعشرة ريال عند ابو ريالين .

لكن الشرهه ماهي على اليماني ولا علينا الشرههة على من دخلها للبلد .

حسبي الله عليهم الله لا يوفقهم

هذي صور اللعبة والبطاريات اللي مالها يومين و تسربت كل موادها للخارج