لا زالت المكابرة مستمره

**سعودي غير** · 07-01-2009, 09:09 PM

مرحبا
مغرب اليوم وصلتني رساله دعائية من شركة عبداللطيف جميل على جوالي واستغرب مثل هالرسائل لأنه بأي حق شركتنا الموقره الاتصالات تعطي ارقامنا للوكالات ولا تحترم خصوصيتنا
المهم مو هذا موضوعي .
هذا نص الرساله اللي وصلتني مو وكاله ابو جميل :
الآن تملك سياره تويوتا 2009 بالتأجير بأقساط وشروط ميسرة . زوروا فروعنا
المهم قمت من اللقافه اتصلت على الرقم المجاني لتويوتا 8002444400 ابي اشوف وش عندهم والا انا مافيه امل اشتري اي سياره من وكلاء تويوتا بالسعودية
وسألت عن الكامري الفل اوبنشنز وعن سعرها كاش الان 83550 الف ريال
وسألت عن الفائده السنويةب صراحه اصدمني انها 8.5% على مدة اربع سنوات
والقسط الشهري 2120 ريال ودفعه اخيره 25 الف ريال ومصاريف ادارية مع القسط الأول 3820 ريال ويطلع الاجمالي 128 الف ريال

قلت خير ان شاءالله انتظروني جايكم

وقبل لا اقفل سألت عن الجيب لاندكروزر 2009 قال الفل الفل مع مقاعد جلد

سعره كاش 228.550 الف ريال

قلت غريبه هالسعر ماتغير قال لا الاسعار زي ماهي ماتغيرت
قلت بأمانه منتم متوهقين بتكدس السيارات عندكم في ظل هالاسعار

<<<<<عليك سؤال مال امه داعي

قال لا بالعكس اصلا اي طلبات جديده تحصلها بالانتظار اسبوعين ثلاثه عشان نأمن لك الطلب
قلت بالنهايه اتوقع والعلم عند الله انها راح تصدي وسكت ماعاد علق
واستأذنت وقفلت

وختاما لحديثي اقووول والله ان نخليها تصدي وموديلها يعدي الين يفكونا من هالمكابره اللي تقول كأنهم عايشين بكوكب ثاني غير الارض ومامرت عليهم ازمه الاقتصاد العالمي اللي حتى شركة تويوتا الأم اظطرت تغلق مصانعها لعدم الاقبال على شراء سياراتها