اسواق العثيم

كانت بداياتها حسب معلوماتنا .. من سوق الخضار فالربوة كان لهم متجر كبير اسمه العثيم للجملة والمفرق لابوهم عبدالله العثيم .

وكان عبدالله العثيم رحمه الله رجل حكيم ويقدر المال وماعنده فحش فالاسعار ووكان يرضى بالقليل على الكثير .يشتغل اكثر شيء في الجملة .

توفي رحمه الله فورثه ابناءه محمد وسليمان العثيم .

محمد ذكي وفطن فضحك على اخوه سليمان (كما يقول سليمان ) واعطاه نسبه من المال( الورث ) بحيث يكون المتجر سوق العثيم في الربوة ملكية كامله لمحمد العثيم .. وسليمان ياخذ ورثه كاش فقط .


هاااااااااااااه .. الوكاد يوم خلصوا ..

بدا محمد العثيم (صاحب اسواق العثيم الحاليه) يتاجر بشطاره ويلعب على عواطف المسلمين .. فمره يسوق لاسواقه انها للمطاوعه .. ومره يدافع عن الرسول صلى الله عليه وسلم .. ومره يكتب على اسواقه ايات من القران الكريم بخط كبير .. ومره يدافع عن حقوق الوالدين..ومره يحط الهللل تبرع لجمعيه المعاقين ويعلن عنها في كل مكان .... المهم بعد معركة طويله واخذ ورد كبرت شركته شركة اسواق العثيم (أصبحت الان العثيم القابضة ومعنى قابضة ان تحتها شركات اخرى وياما تحت السواهي دواهي )

هاااااااااه .. بعدين بعد ما اغتنى محمد العثيم واصبحت عنده مليارات الريالات وبعد بداياته بفتح اسواق وسوبر ماركت .. وصار الان يملك اكبر محلات للتجزئه في المملكة .


بدأت مشكلته مع اخوه سليمان العثيم تظهر على السطح .. واذا كنتم تذكرون قبل تقريبا سنة او اكثر شوي .

بدأت خطابات الاخذ والرد بين سليمان العثيم (صاحب محلات سليمان العثيم للذهب ومجوهرات لازوردي حاليا) ومحمد العثيم ( صاحب سلسلة اسواق العثيم )

وكانت بداياته بمطالبة سليمان اخوه محمد بالغاء الاسم التجاري ( العثيم ) حيث انه كما يقول سليمان اسم مشترك بينهم ولايحق له ان يتاجر فيه .

فرد عليه اخوه انك انت ياسليمان طلبت نصيبك كاش واعطيناك .. فليش الان تجي تطالب باسم العثيم اللذي انت تنازلت عنه !!

المهم بين اخذ ورد وفضايح واتهامات ( كل هالكلام في جريدة الوطن وبعض الجرايد الاخرى ) واذا كنتم تذكرون بتذكرون واذا ماتدرون اسألوا فسالفتهم صارت على كل لسان نسأل الله لهم ولنا السلامة .


هااااااااااااااااه .. وصلنا انهم تهاوشوا على اسم العثيم .. في النهاية اختفت الخطابات والاخذ والرد وقرانا قي احد الايام ان سليمان تنازل لاخوه محمد .. وتراضوا وانتهت المشكلة .

والله العالم ان محمد راضى اخوه بمبلغ كبير من المال على ان يسكت سليمان ويكف عن فضح اخوه لانه شوه سمعة محمد بين المطاوعه .

ومحمد اهم ماعليه المطاوعة .هم زباينه


هاااااااااه .. انتهت المشكلة وضهر سليمان العثيم بمحلات ذهب كبيرة وفروعه وانتشرت دعاياته في القنوات والجرايد .. واستمر محمد العثيم في اسواقه. وتوته توته خلصت الحتوته حلوه ولا فتفوته .



الزبدة هنا ان محمد العثيم يهتم جدا باسمه التجاري وبسمعته .. لأنها والله اعلم مهزوزه اصلا .


وهو طماع للاسف .. وكل من يزور محلاته يعرف كلامنا


اسعاره اغلى الاسعار بين الاسواق

ومنتجاته دائما خربانه او قريب انتهاء صلاحيتها ..لانه لايجدد البضاعة وايضا الظاهر زباينه شوي !!

وخضرته حدث ولا حرج تقل خضرة بنقالي باسط في البطحا كلها قديمه ومقطنة .

ومعارضه لاتبيع سوا لمنتجات غاليه ولايبيع البضائع المتوسطة السعر .


وطبعا هو اول من قاطع واول من كسر مقاطعة التجار للدنمارك ونراه الان يدافع عن الدنمرك كانه دنمركي .



كل هذا تجتمع في العثيم واسواقه .. وتثبت المقوله القائله (شين وقوي عين)

بعد كل هذا يالعثيم تجي وتسوي حملة لمحاربة الغلاء :؟؟؟؟؟


فعلا رجل يهتم بالبهرجة الاعلامية والنصب على المغفلين من الشعب .

وحتى الحمله لمكافحة غلاء اسعار الرز كانت ضدك لانك كنت تبيع اغلى من كارفور !!!


فبالله عليكم .. ايوجد هناك عاقل يذهب ويشتري من العثيم


حتى المطاوعة ومن ضحك عليهم الان اصبحوا ضده بعد تعامله مع الدنمرك ؟؟

ويحاول مراضاتهم بقضية الرز .. وهو اكبر محتكري البضايع .



يالعثيم اتق الله في نفسك وفي الشعب ولاتغرك تلامع القروش .. فالله اللي اعطاك والله اللي ياخذها منك وياخذ روحك ايضا .


نسأل الله المغفرة لنا ولك وللجميع .


سبحانك اللهم لااله الانت استغفرك واتوب اليك .


كتبه المواطن الغيور على قوت ابناء البلد ... السبيعي 911 .